Kashmir : Terrorist zy ta India pheisaih pakha ama patu?

India pheisaih, chhuti lapa ta ama pahrâna Qazipora Chadura, Budgam, Kashmir lâta a siepa pakha cha a pahrâna O tawhta terrorist a châpa ta pahnopa zy ta patu ei ta, amâ chhi syulyu ha.

He pheisaih hawti kaw chypa he Jammu & Kashmir Light Infantry Unit (JAK LI) mo nata sa châ ta, a chhuti hneipa he atahmâ thla chhâna lâ a chhâ awpa a châ. Abohna chôchâh vâta a châna, moh a hropazy deikua palâsapa châ vei.

He hawhta India pheisaih pakha moleipazy ta patupa ta amâ chhi syulyu ha, tahpa ama pahno patawnah heta India pheisaih zy ta a su thlai tlôpâ ei ta; a chhôhkhanah ta ama reina dâh liata cha, he moleipa, terrorist ama châpa ta pangiasapazy he ama O lâ a vypa ta, pheisaihpa he patupa ta amâ chhi syulyu ha, ama ta.

He hawhta India pheisaih patupa ta, achhi syulyupa a châpa heta kô 2017 liata India pheisaih pakha, kô 22-ta uhtheipa Lt Ummer Fayaz, Kashmir liata terrorist zy ta patu ei ta, ama thiepâ hapa kha palôh liata avaw lâ leithei leipa ta, he heta chihuna a pahluhsa kaw.

Image Courtesy - India Today