Barcelona ta La liga Nyungiapa ama chalo haw?

Spanish La Liga liata hmia asah haipa, Barcelona chata Alaves pahniepa ta Nyungiapa chalo awpa ta liahsa ama bâh ama pazawh thei daihmâ ha bâ.

1st Half liata goal â ngia leipa ta amâ pahâ tawhta, 2nd Half liata midfielder Carles Alena, ta â hniapâ thlâh hapa tawhta â chiehpâ kawpa ta Barca hmia a sahna za khô ta.

Goal khana ama khô tawhta daihti rei leipa liata vâhneina to pazao heihpa ta, Barcelona heta Penalty hmô heihpa ta, he he Luis Suarez ta goal lâta pachâsapa ta, 2-0 ta pahniena ama to hapa a châ.

Barcelona he atazâ ta akhaih awpa, Atletico Madrid ta Valencia ama pahnie vei tlai khiahta cha La Liga Champion châpa ta, nyungiapa ama chalopâ ha aw, tahna a châ.

La Liga Champion haipa Barca he point 12 ta Atletico Madrid hlâta â sâh via ei ta. Atletico heta Valencia he vaw pahnie leipa rai hmahta châ hra ei sala, Point liata Barca he a kaw kho heih thei awpa châ ei ta, anodeikua ‘Head to Head’ liata Barca he ama pha viapa vâta ama Champion pyly aw, tahna a châ.