Champions League : Man United ama vâdua - Cristiano Ronaldo ta a Goal 125-na a khô

Manchester United châta cha Champions League semi final a ngia awpa ta Nou Camp liata pahniena ama to cheingei awpa â ngiah ha bâ! Old Trafford liata ama khichhaipa, Barcelona cha vâduachhih kawpa ta Luke Shaw ta ama kao lâ a pangia tlamawpa hmâpa ta pahnie vei ei.

He hawhta a châ nota, Old Trafford tlyliah liata Champions League Quarterfinals First Leg liana heta Barcelona, 'superstar' Lionel Messi hmô awpa sôh kaw ta, noh hro hawhta amâ khaihpa thathyu tu vei.  

Anodeikua goal a y chhôhpa he Lionel Messi ta ball avaw chapiepa, Luis Suarez ta a luhta za su ta, United defender Luke Shaw pôhpa lia khaipa ta, kao chhôh lâ â ngiapa chã ta. Assistant Referee ta Offside ta chaluah taraw ta, VAR ta goal ta â pyh hapa vâta Barcelona he 1-0 ta ama tlô hapa a châ.

Manchester United manager Ole Gunnar Solskjaer châta cha a nawhta sahlao akhaihna dâh liata pachâna athata a hmãh via awpa a ngiah aw ta, Barcelona châta chi a chhih kaw awpa ta amâ pielyu leipa tlu a châ. 

Barcelona deikua â hnykhaw kaw ei ta, United kaovaihtuhpa David de Gea ama pa-ysa molo lei kaw. 

David de Gea heta Philippe Coutinho nata  Messi chapiepa pha kawpa vaw pakhã ta; Ball possesion liata United he 33% a châ nota, Barca he 67% po châ ta. A khaih pha viapa â lâ kaw. United heta Semi final â ngia awpa ta cha France khihpi liata Paris St-Germain chôta amâ pielyuna dâh hawhna khata, Nou Camp liata chhao amâ pielyu awpa â ngiah aw.

JUVENTUS TA RONALDO ZAWZI TA 'AWAY GOAL' SÔH KAWPA AMA HLAO PAPUA

Cristiano Ronaldo ta Juventus châta 'Away goal' sôh kawpa khôpa ta, Champions League quarter-final 1st Leg liata Ajax nahta amâ pahniethai.

Champions League nyungiapa ei 5 tlai avaw chalo hatuhpa Ronaldo heta, 1st Half chhâ chyta liata Champions League liata a goal 125-na cha a luhta su pangiapa ta Juventus hmia â sa khei.

Châhrasala tlyliah hneituhpa Ajax ta 2nd ama pathao tawhta minute sâkha chhao a khô hlâta Juventus he â kaw pasu heihpa ta, David Neres ta 15 ta ã hlapa tawhta ball â ngia kawpa ta a za khô.

Team nopazy heta daihti chhâna lâchhâh liata daihti ryhpaohpa hnei raihrie ei ta. 

Ajax lâ tawhta Jurgen Ekkelenkamp chapiepa, Juventus kaovaihtuhpa ta avaw pakhâpa zy, Juventus substitute Douglas Costa ta kaotôh a chapie thlupazy kha i â chhih kaw.

Châhrasala team nopazy heta goal hropa ama khôchhi raihrie thei vei tawh tly cha, târi 16, April liata second leg amâ khaih n'awpa su Turin, Italy liata amâ pasiapanô awpa â ngiah ha bâ.

Champions League liata Goal khô hluhpa zy :