EPL : Liverpool ta Cardiff pahniepa ta Man City ama chhao ha heih

Liverpool chata Cardiff City pahniepa ta, Premier League chô chai liata amâ kaw tyuh ha heih. Anodeikua Cardiff City heta rairuna ama taopa hluh kaw.

Liverpool heta Cardiff khihpi liata charâ ta goal khô thei leipa ei ta. 1st Half chhôh zydua cha daothei kawpa ta Cardiff he akhaihkheipa ta, goal y leipa ta amâ pahâ.

2nd Half avaw thao ei ta, Liverpool heta minute 57-na liata goal â ngia kawpa hmâpa ta hmia amâ sahna ama za khô haw. Georginio Wijnaldum chata Trent Alexander-Arnold ta Corner tawhta ball avaw chapiepa cha â chieh kawpa ta za khô ta; Goal sao pua â hrie daihmã.

Hmia amâ sahna goal ama za khôpa vâta amâ lyna ta Liverpool bâhta a padiathlâsa khiahma i tah thei awpa ta, Cardiff lâ tawhta ama za pahlaw daihmâ ha tyh. Cardiff captain Sean Morrison, ta daihti ryhpaohpa a pahleipa kha la a i kaw hra aw.

Cardiff captain Morrison heta vâduana a tyh pazaopa ta, Mohamed Salah a papaopa vâta penalty a cheih. He hr substitute James Milner ta chapiepa ta, Liverpool tlôna a za pa-ipacha ha heihpa a châ.

Cardiff he tla thei awpa duasu liata a duah hai ei ta. A boh awpa ta Point 3 amâ ngiah.

Liverpool, ta zâkhahnia lâta âmo a chhaotuhpa Manchester City, cha point 2 ta chhao ha heih hra ei ta; Manchester City heta Pakhy noh heta Manchester United ama hmiachhy aw. Manchester Derby liata ama tlô tlai khiahta la, Liverpool châta cha a rairu kaw bã aw.

EPL POINT DUASU (TOP 15) :