KYHPACHÂNA HMEISEIHPA…

Australian Model parohpa chhithai kawpa, Turia Pitt cha Km 100 ta pasihpa Ultra-marathon â râna liata 65 percent kâ ta, a kupi chavei nata chachâh pahleipâ ta, thla 5 tlai Hospital liata mohôhpa a châ hra. He hawhta Model Turia Pitt mei ta a kâpa vâna heta a khopaw chata ano mohôh awpa ta a raihriapa bâsaipa ta a daihti zydua cha ano mohôh n’awpa ta hmâh ta. 

CNN ta Interview ama hneina liata a khopaw he hetana heta hiahrih ei ta, "Na khoh nô mohôh awpa ta mo hropa hlao hneipa ta lapa ta, na hmialâ daihti phasa a chhih kawpa hmâh awpa ta a chhuahna zy na hnei beih ma? " tahpa ta hiahrih ei ta, a khopaw achhyna chata khizaw zawpi nata CNN mohtuhpa zy palôh a hria ngaita kaw, " A thhlahpa/Soul nata nôchâ/Character he ei hneipa châ ta, ano ngâlâh he chanô hryta ei saduthliena papitlohsa theipa a y chhôhpa a châ ngâthlâh ha aw" tahpa ta âchhy. (“I married her soul, her character, and she’s the only woman that will continue to fulfill my dreams.”) Source- Daily Mail.