NA KRAWS THABY LIA....
Jerusalem chheipáh ráhchawhpa hryta thlih hi mualuapa a pathlipa chata thlihua hlâta _Meihli_ lyu via ta, eikha avaw pathlipa chata hmao vo pachawh ta, padá awpa ta kaw palie heih awpa â ngiah tyh. Lâpaw tawhta chhochhi cha _Tihu_ akaw khu ngâpa hawhta _Ziza sahpa_ cha chô lâ a kaw vih ngâkaw ta. Avá liana chata meihdo hmô awpa rai y vei! Ra-awh nata Vákhie zy cha sa-ri thupa by awpa ta vá ziza tawhna chata lei lá mohmia za pasaih ngákaw ei ta; lei láta apielyuzie cha ama tawpâ thláh ha hra.
Jerusalem tawhta su a hla tu leipa, lóká kavo pádawh kawpa, alô thih, lâpaw tawhta saipa ta _Luruh_ apachopa alyu kawpa liata Tho paduapa, a ki lâta tho hropa pakhâhpa sáthôh avaw lâ ta, cha liana chata chyhsa 3-zy cha ama hu chhâ awpa hápa ta ama phei thaby lâ tawhta chyhsa alyu lei kawpa sahlao - Theihthaipa, atobina rônahpa torai ta atobipazy, chaihrai chito rai chhaota atobipa Rawma pheisaihzy, máchhiesana hmi phaohpa ta poh phapa chhao abusai leipa nôhmeipa nata nô thokhazy, ama kiah liata aduapa satlia nata paw thokhazy, cha su siepakhô a chhuahpa khitlypazy chata ama sai thláh haw!
"Zisu kha a hu a chhâ haw?" tahpa ta Rawma pheisaih pakha ta Tho ama bôpa 3 hryta a liah liata ama khaipápa chapaw, hlo lakho a khopa, a laki tawhta a phei thaby taihta thihnia ta a pachie thlâh hapa, a hmia phaozie awpa chhao hmahta pachâpady thei khao lei ngána taihta pasa a taopa hmi a phaohpa nata taolana a taopa cha kaw mo ta. A khi tawhta thi â zâ sa ngápa ry liata ngiachhiena nata kyhpachâna mopadei chata Rawma pheisaih palôh chakhei leithei vei! A pakah tawhta "Zisu kha a thi haw?" tahpa bie kaw puapa cha, a palôh liata "Khazohpa sawchapaw tlai na na châ! Lei chyhsazy thina heta cha pahnie chacheita aw vei!" tahpa bie chata pho haw ta!
Cha hawhta a mo thlâh ha nona chata, a hmaokiah nata a káh zydua thihnia ta a by khai hapa, "MOLEIPA" tahpa ta thailei ama pachásapa ZISU chata á chieh ngásápa ta ano cha za moh ta, a palóh zydua a hmô pahlie khai thláh ha tahpa a pahno thlâh haw! A palôh cha a zao khai hapa ta á pahno ta, ZISU mopadei liata ngiachhiena nata Kyhpachâna a hmôpa chata "Thailei pachâsana" palôh a phaohpa cha "Ngiathai Ahawna" palôh láta a pachása haw!
Nozana nata a ngiapachhina ta vaw bie ta, chô lâta ama khaihpâpa ZISU cha mo ngáh khao vei!
Cha nona chata a luh chô liata ao, "Ei pá, ama hmotaopa he ama pahno leipa na a chá, a ngiathai ma y" tahpa ta ngiachhiena ao nata kyhpachána ao apahlaopa ZISU ao chata a palôh pakeichhei ta, a pakhu tha vaw nai ta, a pakhu paneihpa ta ZISU a khaipána tho thaby liana chata mothlih chhaota â khu leithei vei!
A ngiapachhina ta vaw bie ta, a moh vaw zoh ta, tho thaby liata thisai cha hriapa ta, "Ao tlilih ta" cha haw ta!
Leilô vaw zoh ta, meih avaw chhohpa hryta tôkalô avaw thuapa chata cha chheipáh liata a ypa chyhsazy cha amâ boh nawpa ta JERUSALEM khihpi ngaipa ta á rá chhiechhu ei ta. Cha nona chata alo avaw sih chaimáh ta, khizaw cha chipa ta â chalyu haw!
Zisu ama khaipâna thaby liata Rawma pheisaih deikua chata a chheipâh liata hmo atlô haipa cha pahno leipa ta!
Zohna ta khizaw a khu hai nona chata *khaihna* ta a palóh cha khaipahlie ta! Chipa ta a viasazy nata zawpizy amâ râ chhiechhu nona chata "Thlalôhna reihpapua thai lei awpa chata vaw bie ha ta"...
A vâ kaw ua ta.. Ngiachhiena nata kyhpachâna hmi phaohna chôta lei hrona a phaoh khao leipa hmi, "ZISU HMI" cha kaw moh ta, "KHAZOHPA SAWCHAPAW TLAI NA NA VAW CHÂ! Nâ ngiathai ma y" kaw tah haw ta!
Good Friday liata A Ngiachhie Kyhpachâna a thiehpa ta vaw to heih ma y
Jerusalem tawhta su a hla tu leipa, lóká kavo pádawh kawpa, alô thih, lâpaw tawhta saipa ta _Luruh_ apachopa alyu kawpa liata Tho paduapa, a ki lâta tho hropa pakhâhpa sáthôh avaw lâ ta, cha liana chata chyhsa 3-zy cha ama hu chhâ awpa hápa ta ama phei thaby lâ tawhta chyhsa alyu lei kawpa sahlao - Theihthaipa, atobina rônahpa torai ta atobipazy, chaihrai chito rai chhaota atobipa Rawma pheisaihzy, máchhiesana hmi phaohpa ta poh phapa chhao abusai leipa nôhmeipa nata nô thokhazy, ama kiah liata aduapa satlia nata paw thokhazy, cha su siepakhô a chhuahpa khitlypazy chata ama sai thláh haw!
"Zisu kha a hu a chhâ haw?" tahpa ta Rawma pheisaih pakha ta Tho ama bôpa 3 hryta a liah liata ama khaipápa chapaw, hlo lakho a khopa, a laki tawhta a phei thaby taihta thihnia ta a pachie thlâh hapa, a hmia phaozie awpa chhao hmahta pachâpady thei khao lei ngána taihta pasa a taopa hmi a phaohpa nata taolana a taopa cha kaw mo ta. A khi tawhta thi â zâ sa ngápa ry liata ngiachhiena nata kyhpachâna mopadei chata Rawma pheisaih palôh chakhei leithei vei! A pakah tawhta "Zisu kha a thi haw?" tahpa bie kaw puapa cha, a palôh liata "Khazohpa sawchapaw tlai na na châ! Lei chyhsazy thina heta cha pahnie chacheita aw vei!" tahpa bie chata pho haw ta!
Cha hawhta a mo thlâh ha nona chata, a hmaokiah nata a káh zydua thihnia ta a by khai hapa, "MOLEIPA" tahpa ta thailei ama pachásapa ZISU chata á chieh ngásápa ta ano cha za moh ta, a palóh zydua a hmô pahlie khai thláh ha tahpa a pahno thlâh haw! A palôh cha a zao khai hapa ta á pahno ta, ZISU mopadei liata ngiachhiena nata Kyhpachâna a hmôpa chata "Thailei pachâsana" palôh a phaohpa cha "Ngiathai Ahawna" palôh láta a pachása haw!
Nozana nata a ngiapachhina ta vaw bie ta, chô lâta ama khaihpâpa ZISU cha mo ngáh khao vei!
Cha nona chata a luh chô liata ao, "Ei pá, ama hmotaopa he ama pahno leipa na a chá, a ngiathai ma y" tahpa ta ngiachhiena ao nata kyhpachána ao apahlaopa ZISU ao chata a palôh pakeichhei ta, a pakhu tha vaw nai ta, a pakhu paneihpa ta ZISU a khaipána tho thaby liana chata mothlih chhaota â khu leithei vei!
A ngiapachhina ta vaw bie ta, a moh vaw zoh ta, tho thaby liata thisai cha hriapa ta, "Ao tlilih ta" cha haw ta!
Leilô vaw zoh ta, meih avaw chhohpa hryta tôkalô avaw thuapa chata cha chheipáh liata a ypa chyhsazy cha amâ boh nawpa ta JERUSALEM khihpi ngaipa ta á rá chhiechhu ei ta. Cha nona chata alo avaw sih chaimáh ta, khizaw cha chipa ta â chalyu haw!
Zisu ama khaipâna thaby liata Rawma pheisaih deikua chata a chheipâh liata hmo atlô haipa cha pahno leipa ta!
Zohna ta khizaw a khu hai nona chata *khaihna* ta a palóh cha khaipahlie ta! Chipa ta a viasazy nata zawpizy amâ râ chhiechhu nona chata "Thlalôhna reihpapua thai lei awpa chata vaw bie ha ta"...
A vâ kaw ua ta.. Ngiachhiena nata kyhpachâna hmi phaohna chôta lei hrona a phaoh khao leipa hmi, "ZISU HMI" cha kaw moh ta, "KHAZOHPA SAWCHAPAW TLAI NA NA VAW CHÂ! Nâ ngiathai ma y" kaw tah haw ta!
Good Friday liata A Ngiachhie Kyhpachâna a thiehpa ta vaw to heih ma y
No comments