Sri Lanka Bomb-papa liata a thipazie cha 359 châ leipa ta 253 tlao ama châ - Sri Lanka sawhkhâ

COLOMBO:  Sri Lanka sawhkhâ chata zâhnia Pohbie Noh khata târi 21.4.2019 liata Sri Lanka liata Achhyna-O nata Hotel liata bomb-papa vâta a thipazie cha 359 châ leipa ra, 253 tlao ama châ, tahpa ta, Bomb-ta a chaphie-chadawhpa chyhsa pôhpa pachiahpazy cha chyhsa hropa hawhta reipatipa a châpa vâta a thipazie he pahluhsa tlamawpa a châ, a ta.

He hawhta sawhkhâ ta a thipa zie maluh ama phuah chheipa heta Bomb-pa hlâta biesakâvawna ama nahthlie kholeipazy nata, moleipazy alaichadaina kyh liata ama nainôsoô tu hana kyh liata zawpi ta ama dycharao via heih na ta pangiasapa a châ.

Bomb a pa hlâna khata moleipazy ta ama tlahnao awpa chôchâh liata India Intelligence zy ta Sri Lanka sawhkhâ cha biesakâ vaw vaw ha ei ta, châhrasala, nathliepa châ vei. He heta athata a eichhiana papua ta, sawhkhâ diathlâna vâta chyhsa hluhpi ama thi, tahpa ta nô-una biereihpa ama y lymâ.

He hawhta a châ nona heta, Sri Lanka liata Catholic awnanopa chata pheisaihzy chhosiena hawhta daihti bitaipa y leipa ta apakhyna zydua ama pachhâsa chy.