Vahia Khih kô 100-tlohna a rônah kawpa ta aly

VAHIA, 25 Pachawh, (Pobienoh) - Vahia khih kô 100 atlohna alyna châta Programme pha kawpa pachhuahpanohpa châ ta, zâhnia zo kha ta Vahia Community Hall liata Programme pahyna châta Chief Guest Puhpa K. Chhuabei, EM i/c PWD(MADC) etc. nata Vahia biatuhpa MDC ta Centenary Mei-ôh raona a hnei.

Zâhnia zo liata Programme he Thlahpa lâta ahmâpa châ ta, atanoh nata mylâ - noh 2 chhôh ta kyhchhina ta ahmâ awpa a châ.

 Atanoh he Siaha lâ tawhta Vahia khih angia chy liata thlahchhâna su liata taopa Centenary Gate nata Gate machha liata Centenary Park pahyna hneipa châ aw ta, he su liata Programme ahmâ awpa a châ hleikhô ta kyhchhina tao pâpa a châ aw.

Gate chô liata Vahia(Pavaw chi kha moh) khih moh aphaona chhâpa pamosana châta Vahia nohthlahpa pachosa pâpa a châ.

Vahia he kô 1905 liata paduapa châ ta, kô 2005 liata kô 100 tloh ha taraw ta, ryhpaoh viana vâta atakô he alyna taopa a châ.

Centenary Park liata Vahia khih tawhta thaina nata châna kao nano nanopa liata Chyhsa hmiatuapazy, ama moh nata ama nohthlahoa pachosa pâpa lôbô tao chyupa a châ.

Nohchhô la hleikhô ta azo lâ chhao Programme pachhuahpanohpa châ ta, a chhâ zâ liata Concert tao awpa ta pachhuahpanohpa a châ hra.

(Written by BeiRôkhu Beitâ, I & PO, MADC)