Malaria Pasana Hri vaina (Vaccine) pie pathaopa a châ haw!

Khizaw liata Malaria pasana hri vaina (Vaccine) hmiatua chaipa cha Malawi, Africa liata hawtipa zy hnohta pie pathaopa a châ haw.

He Malaria pasana hri vaina ‘RTSS vaccine’ heta chyhsapa liata pasana hri adyuhtuhpa cha thlohmiahta chyhsa a siepa vâta Malaria hri avaw hiezawh awpa avaw dyuh awpa ta tha a patlô aw, tahpa ta he thohna raihria he chhopasiapa a châ.

Atahmâ ta hawtipazy ama pie hlâna heta, a mopachhina awpa ta hawtipa thla 5 tawhta thla 7 ta uhtheipa zy cha vaw pie tuapa châ ei ta, he thohna ama piepa hryta 40% zy cha Malaria pasana tawhta amâ boh, tahpa hmôpapuapa a châ.

Malaria pasana hri he khahlâ tawhta athata adyuhpa a châ tarawpa ta Africa liata cha atliata tawhna khata athata avaw pôh heih, tahpa hmôpapuapa châ ta. He vâna heta athaisopazy ta Malaria tawhta avaina thohna taopapua a chhuahpa ta athata ama vaw tei tyhpa a châ.

"He he pasana hri tawhta chyhsapa pabohsana, malaria pasana kohkina, nata zawpi vâtlâh hnatlâna kyh liata hmahsiena lai kawpa a châ," tahpa ta Dr Kate O'Brien, Director of Immunisation and Vaccines, World Health Organization, chata a rei.