ABDULA KHA LA AW!!
Abdula kha la aw!!tahpa ta laihsa cha rei lei, chapaw liana hmahta Marapa, Mawpa, Korean-pa nata Mongyuh-pa chhao a châ leipa Viahpa, Karimganj tawhta Kamis achapaipa, parohpâ kawpa nata Jeans Secondhand ahriepâ nianôpa â taopa ta, TMB liata â kaw bai lai ta, Siaha kaw tlôpa tlai kha ei palôh liata lai ngâsâ thlâh ha ta. Bidi a chatlie kawpa ta sy ta, thuachhie khôpakhyna sykhao nata tilâ a chaba tyhpa viahpa, Abdula, a moh pôpalôhpa chhao ei pahno leipa tlai kha khâpa thlahchhiepa cha ma ei to ha ma, ei palôh liata eikhapi ta âvaw luah thlâh ha bao...Cha rimâ cha, Viahpa liana hmahta Aishwaria Rai nata Katrina Kaif zy dei leipa cha apachâ beih leipa tlaina kha, Abdula, Karimganj satlia ta apalôh a to haw..Chi nata pho apaphasaina la châ hraoh bao vei, tahpa ta Abdula hrozie nata eima râh liata a y nota a nohto a khihsana dâh nata a ydâh zy pachâ pazi lymâ hawna ta...
Abdula cha zaohpâ thlâh hapa, 'Ti liata hmahta tla sala, meita na a kâ ha' ama tah pyly awpa chi he châ hra ta. A hmi nata sâ kheita ma â lâ, tahpa pachâ hlei leipa ta. Karimganj tawhta chy nata sia â kaw phaoh chhôhpa, Kamis achapaipa, Jeans chy kaw bâpa nata chapal paroh kawpa âtaopa ta eima Vaih liata thuachhiepa sykhao avaw pia ta, areisi hmi kawpa ta O-to chahryh lai ta, 'Tirsia neih em?' tahpa ta a hiahrih lai nopa zy kha mothlaw lia âvaw lâ ta. Hawti chochhiepa thokha ta thuachhiepa liata alôtô khô ei ta, ama chaleisa nona zy khata, pangiasaleina hnei leipa ta, thuachhie Kezi 1 mâ kha a pie thlâh ha tyhpa kha châ ta. Khatlupo ta akhie hoh ta, a phao a hri ta, O to chahryh ta, 'Ti do awpa' a hiahpa ei hmô beih leipa chhao kha ânano kaw. Abyh liata Bidi a vao ta, reikah pathlie zôzaw leipa ta, pahnei ngâthlâh leipa ta, pachârôhna hmi phaoh pyly hra vei. Asiena lâthlôh pakhâta ta sai ta, thuachhiepa roh khiahma a thei thei, tah awpa ta thuachhiepa yna kha a pahno thei ngaita kaw hra. Anohto hro kha thuachhiepa liata phie phie hmâh khai ta, alahuah nata pohphawh chhao thuachhiepa châ sala ei pangiasa tyh. Ahro kha uahva la a chhih tlai hra vei.
Thuachhiepa a hmô hluh châhta thapawhna hmi phaoh hlei leipa ta, a hmô chyh châhta chhao thachhiena hmi phaoh pyly hra vei. Noh palohpa ry liata chhao paphôh leipa ta, vâsua hryta chhao paphôh pyly hra vei. Heta mo thlâh hapa ta cha 'Daotheina zydua he ano eih khiahma i!?' tah awpa he châ ta. Thuachhie zuahpa zy ta ama dôvei châhta, 'Hiehâh ruhchhôhpa ta a dypâ nopa' hmôpa y leipa ta..mo hropa zy kha ano hawhta ado awpa nata ngâchhih awpa ta apachâ khiahma i?tahpâ ngâ awpa heta y ta; Khihliah liata laihsa asosâh kawpa nata chhielei kawpa zy âtyh châhta, asykhao, thuachhiepa ta biepa cha zakhei hlei leipa ta, apia hnolo ta, ahmi liata nozana hmô awpa y hra vei. A kamis achapaipa byh liata Bidi nata meilô cha âpahâh châhta thaopa ta, nodipa ry liata tilâ â hnieh khaipa ta Bidi cha pazy tyh ta. Cha hawhpa daihti liana ngâlâh chana a lôhratlô zie a hmi liata â lâpapua tyh chuh...
Noh nata daihti vaw sie lymâ ta, Abdula hnohta thuachhie a zuahpa zy chhao eima vaw pitloh lai ha hra.
Nohkha cha Bazaar supipa liana heta, a chatlie kawpa ta Abdula lyu kawpa a sie ngâpa he hmôna ta, a kamis achapaipa nata Jeans nata chapal kha âvaw tao thlâh ha chy ta. Châhrasala, thuachhiepa sykhao nata tilâ deikua hmô khao vana. Ei mo thlâh ha nona chata Daoh laipâ kawpa chhôh lâ he â ngia ta...thlaita Daoh moh cha kei mona ta, 'Marasaw Variety Store' tahpa he âvaw roh ta; Daoh chhôh liana chata Marasaw hmi hmô a hnabeiseih kawpa ta kei mo heihna ta, Abdula lyu kawpa viahpa 5 zy hmi leipa cha hmô awpa y vei. A daoh moh 'Marasaw' a tah tlôh ta, kheita zie?tahpa ta ei no-âh kaw ta. Abdula cha kei mona ta, ano cha bie apahneisa kawpa heta avaw tyuh ta, phusâ he vaw reih ngâkaw ta. Thuachhie a tlua no hawhna khata a hmi cha anano pyly vei. Eino âh via ngâkaw ta, Abdula, thuachhie tlua ta, tilâ nata sykhao ngâlâh achaba tyhpa kha kheita zie Marasaw Variety Daoh liata a phei chavia khaipa ta phusâ a rei ngâkaw?tahpa chacha pachâ pazi chaihmâna ta.....
Ei luh patha leipa pi cha a kaw khaohna ta, 'Aw...! Kha Abdula thuachhie zuahpa, eima mohnao kawpa kha, atanoh cha eima khihpi liahlôh chaipa liata Marasaw Variety Store' hneituhpa a châ ha hezaw' tahpa cha palôh liata a zâ ngia ta..Thuachhiepa a zuah chhôh zydua khata Marasaw hrozie nôchâ achupa ta, eima tlôna nata tlô leina zydua pahno khaipa ta, ahyzy tlyma Sôhta thlyu ta, ama Daoh a chalei a châ hih, tahna ta, ei palôh cha alytu hlei vei.
Aw Abdula kha la aw..!! Eimâ vaw tlu lei kaw tlaina..eima râh liata sôh apalie thei n'awpa ta thai kawpa ta ahrozie nôchâ nata hneina vaw hmâh laipa ta, atanoh eimâ pahnolei chhôhta Marasaw zy Sei châna liata maniah soh hai hih, tahpa cha ei palôh liata vaw lai chaihmâh heih ta..
Ary lâ tawhta, eima tao hoh leipa nata kho leipa tao lymâpa ta, khatihma cha Abdula nata aviasa zy heta maniah ama chalei khai haw hih, tahpa za pachâna ta, eikhapi ta, 'Aw! Abdula hawhpa viahpa zy he la aw!!' kaw tah hawna ta.....
Abdula cha zaohpâ thlâh hapa, 'Ti liata hmahta tla sala, meita na a kâ ha' ama tah pyly awpa chi he châ hra ta. A hmi nata sâ kheita ma â lâ, tahpa pachâ hlei leipa ta. Karimganj tawhta chy nata sia â kaw phaoh chhôhpa, Kamis achapaipa, Jeans chy kaw bâpa nata chapal paroh kawpa âtaopa ta eima Vaih liata thuachhiepa sykhao avaw pia ta, areisi hmi kawpa ta O-to chahryh lai ta, 'Tirsia neih em?' tahpa ta a hiahrih lai nopa zy kha mothlaw lia âvaw lâ ta. Hawti chochhiepa thokha ta thuachhiepa liata alôtô khô ei ta, ama chaleisa nona zy khata, pangiasaleina hnei leipa ta, thuachhie Kezi 1 mâ kha a pie thlâh ha tyhpa kha châ ta. Khatlupo ta akhie hoh ta, a phao a hri ta, O to chahryh ta, 'Ti do awpa' a hiahpa ei hmô beih leipa chhao kha ânano kaw. Abyh liata Bidi a vao ta, reikah pathlie zôzaw leipa ta, pahnei ngâthlâh leipa ta, pachârôhna hmi phaoh pyly hra vei. Asiena lâthlôh pakhâta ta sai ta, thuachhiepa roh khiahma a thei thei, tah awpa ta thuachhiepa yna kha a pahno thei ngaita kaw hra. Anohto hro kha thuachhiepa liata phie phie hmâh khai ta, alahuah nata pohphawh chhao thuachhiepa châ sala ei pangiasa tyh. Ahro kha uahva la a chhih tlai hra vei.
Thuachhiepa a hmô hluh châhta thapawhna hmi phaoh hlei leipa ta, a hmô chyh châhta chhao thachhiena hmi phaoh pyly hra vei. Noh palohpa ry liata chhao paphôh leipa ta, vâsua hryta chhao paphôh pyly hra vei. Heta mo thlâh hapa ta cha 'Daotheina zydua he ano eih khiahma i!?' tah awpa he châ ta. Thuachhie zuahpa zy ta ama dôvei châhta, 'Hiehâh ruhchhôhpa ta a dypâ nopa' hmôpa y leipa ta..mo hropa zy kha ano hawhta ado awpa nata ngâchhih awpa ta apachâ khiahma i?tahpâ ngâ awpa heta y ta; Khihliah liata laihsa asosâh kawpa nata chhielei kawpa zy âtyh châhta, asykhao, thuachhiepa ta biepa cha zakhei hlei leipa ta, apia hnolo ta, ahmi liata nozana hmô awpa y hra vei. A kamis achapaipa byh liata Bidi nata meilô cha âpahâh châhta thaopa ta, nodipa ry liata tilâ â hnieh khaipa ta Bidi cha pazy tyh ta. Cha hawhpa daihti liana ngâlâh chana a lôhratlô zie a hmi liata â lâpapua tyh chuh...
Noh nata daihti vaw sie lymâ ta, Abdula hnohta thuachhie a zuahpa zy chhao eima vaw pitloh lai ha hra.
Nohkha cha Bazaar supipa liana heta, a chatlie kawpa ta Abdula lyu kawpa a sie ngâpa he hmôna ta, a kamis achapaipa nata Jeans nata chapal kha âvaw tao thlâh ha chy ta. Châhrasala, thuachhiepa sykhao nata tilâ deikua hmô khao vana. Ei mo thlâh ha nona chata Daoh laipâ kawpa chhôh lâ he â ngia ta...thlaita Daoh moh cha kei mona ta, 'Marasaw Variety Store' tahpa he âvaw roh ta; Daoh chhôh liana chata Marasaw hmi hmô a hnabeiseih kawpa ta kei mo heihna ta, Abdula lyu kawpa viahpa 5 zy hmi leipa cha hmô awpa y vei. A daoh moh 'Marasaw' a tah tlôh ta, kheita zie?tahpa ta ei no-âh kaw ta. Abdula cha kei mona ta, ano cha bie apahneisa kawpa heta avaw tyuh ta, phusâ he vaw reih ngâkaw ta. Thuachhie a tlua no hawhna khata a hmi cha anano pyly vei. Eino âh via ngâkaw ta, Abdula, thuachhie tlua ta, tilâ nata sykhao ngâlâh achaba tyhpa kha kheita zie Marasaw Variety Daoh liata a phei chavia khaipa ta phusâ a rei ngâkaw?tahpa chacha pachâ pazi chaihmâna ta.....
Ei luh patha leipa pi cha a kaw khaohna ta, 'Aw...! Kha Abdula thuachhie zuahpa, eima mohnao kawpa kha, atanoh cha eima khihpi liahlôh chaipa liata Marasaw Variety Store' hneituhpa a châ ha hezaw' tahpa cha palôh liata a zâ ngia ta..Thuachhiepa a zuah chhôh zydua khata Marasaw hrozie nôchâ achupa ta, eima tlôna nata tlô leina zydua pahno khaipa ta, ahyzy tlyma Sôhta thlyu ta, ama Daoh a chalei a châ hih, tahna ta, ei palôh cha alytu hlei vei.
Aw Abdula kha la aw..!! Eimâ vaw tlu lei kaw tlaina..eima râh liata sôh apalie thei n'awpa ta thai kawpa ta ahrozie nôchâ nata hneina vaw hmâh laipa ta, atanoh eimâ pahnolei chhôhta Marasaw zy Sei châna liata maniah soh hai hih, tahpa cha ei palôh liata vaw lai chaihmâh heih ta..
Ary lâ tawhta, eima tao hoh leipa nata kho leipa tao lymâpa ta, khatihma cha Abdula nata aviasa zy heta maniah ama chalei khai haw hih, tahpa za pachâna ta, eikhapi ta, 'Aw! Abdula hawhpa viahpa zy he la aw!!' kaw tah hawna ta.....
No comments