ARTICLE : London Khihpi Vs Missionary RA Lorrain - Dr.Sasa

RA Lorrain, missionary rôhnahpa laina London khihpipa y, Khizawpi palôhru zydua, reipasao khai thei hrala, RA Lorrain palôhru deikua  reipasao thei lei va chi.

London, England khihpipa y, Maraland khih Saikao hlâta ei ngia via na, ei pha via na tah hrala, RA Lorrain chhôhsolô liata deikua, Maraland hlâta sôh lei via chi.

London khihpi, RA Lorrain laiseihna khihpipa y, nâ ngiana nata na phana zy he RA Lorrain hmâpa ta mia a hly chi ta eimâ châ ly na.

London khihpipa y, KHAZOHPA ta RA Lorrain hmâpa ta  byhnâ hluhpi miah a pie ha he zaw!

London khihpi y, RA Lorrain vaw laiseihna khihpi na châpa vâ rai heta alynabie chhao eima cha hlâ na.

London khihpi y, RA Lorrain nata chhôhkha hmialâ miah siesai hapazy cha, Vârâh tawhta miah kaw sai thlâh ha aw ei ta, miah amâ lykhei ngaita kaw aw na.

HY KHAZOHPA y, keimo Marasawzy tlaita London khihpi liata laizaolao awpa ta tovyuh miah pie chi ta eima châ ly ngaita kaw na.

Hy KHAZOHPA y,  nô py chhôh liata yzie eima hnei hlâ tawhna khata RA Lorrain hmâpa ta he byhnâ zydua he Marasaw châta pie khai ha chiehpa avaw châpa vâta eimâ châ ly ngaita kaw na.

Eima BEIPA nata PACHHATUHPA KHAZOHPA y, eimâ châ ly ngaita kaw na.

Marasawzy KHAZOHPA ta kyh miah pachâzie he pachâ sualuah tua suh vy!

Ei châ ly kaw ei!