Gujarat : Coaching Centre liata meikâpa vâta achuhaipa 21 ama thi

Zâhnia Chutyhnoh (târi 24.5.2019) khata Gujarat State liata Surat khihpi liata Coaching Centre miakha cha mei ta kâpa ta, achuhaipa 21 ta hrona ama pahlei. Achuhaipa hropa 17 zy cha hmah ama phaohpa vâta Thohna-O ngaikheipa châ ei ta, he hryta thokha cha ama duasu a pha lei kaw.

Mei tawhta amâ boh thei n'awpa tluapa ta amâ zaw pathlah

He Surat khihpi liata Coaching Centre yna O he chhâh palihta a sâhpa châ ta, mei he O ry chaipa tawhta zâlâ dawh 3.30 p.m ta kâ pathaopa ta, thlaita chhâh nona nata chhâh thôhna a kaw kâpâ lymâ. He O, 'Takshashila Arcade' , Sarthana vaih, Surat khihpi liatapa he mei heta a pahly pahnie kaw.

He su liata Coaching Centre liata a kiahpa achuhaipazy he kô 15 nata kô 19 likahta uhtheipa châ via chai ei ta, Architecture Exam hmiachhy awpa ta achhuahnohna châta Coaching a kiah haipazy ama châ. He Coaching ama kiana chhôhpadâhpa pâhchhô nata ceiling he hârie ta taopa châ ta, a ry lâta mei kaw kâ lymâpa ta O ry lâ zu thei khao lei awpa ta a pakhâ ha ei.

Add caption

Meikâpa tawhta amâ boh thei n'awpa ta achuhaipa thokhazy cha, O tawhna heta a zaw pathlah ei ta, he a zaw pathlahpa hryta 4 ta hrona ama pahlei. He O heta mei tawhta abohna chhaichhi (Fire Safety System) a hnei leipa hawhta reipa a chã.

Gujarat Chief Minister Vijay Rupani, chhao meikâna su he thlai tlôpa ta, meikâna chhãpa a chatliepa ta alaichadai awpa ta biepiepa ta,  ₹4 lakh sai hrona a pahleipa chhôhkhazy pie awpa ta bie a papuapâ hra.