Siaha liata pa-ôpazypa adyuh lymâ n'awpa dâh reipahmaoh

Siaha, May 30 : Zâhnia târi 29.5.2019 (Pohbienoh) khata Siaha D.C. Conference Room-liata Additional Deputy Commissioner Puhpa R. Lalremsanga chhihthana ry liata, Siaha District chhôh liata Department nano nanopa nata Veiseihpa py vyuhtuapazy ta pa-ôpazypa adyuhna ama siekhei ha chiehpazy nata, hmah ama kaw la laih lymâ n'awpa dâh pachiapa ta amâ tyupahmaoh. 

Zâhnia ta atyupahmaohpazy heta Siaha District chhôh liata pa-ôpazy taona dãh achupasiapa châ sala, tahpa ta, zawpi lâta thapi phia viapa ta Awareness hnei pazao lymâpa châ sala tahpa reihpahmaohpa ta, aomâh nata â hniahnipa tawhta taopa hmozy pakhâna â icha viapa ta a y thei n'awpa ta 'Anti Tobacco Squad' zy hmahla n'awpa dâhzy chhao reipahmaohpa a châ. 

Hmahsiena hmô awpa vâro a y ha tarawpa ta, tha padua leipa ta hrona pahleituhpa hleikhôta, sôh nata thih athata pahleituhpa pa-ôpazypa he adyuh via lymâpa châ sala, NGO nata Awnanopa hawhta chhao ahawna taopa châ sala, tahpa a chã. 

He daihti liana heta Puhpa Z.T. Vawra Hmar, District Consultant ta report pie ta, Taxation nata Legal Metrology lâ tawhta hmahlana Report nahthliepa a chã hra.