A sawchanô 3-zy hrona lapa ta anosasyh hrona â la pâ

Keonjhar District, Odisha liata hmo a tlôpa rarô-y kawpa liata, kô 35-ta uhtheipa paw pakha chata, a lahpinô ta â pahâsai tawhta a thla 3-na liata, a sawchanô pathôh, kôtloh leipazy cha thiepa ta, anosasyh hrona chhao â la pâ hra.

He chanô zy he - kô 9, kô 7 nata kô 5 ta uhtheipazy châ ei ta – ama pathôh heta Durga Sidhu, Ulibasa khih, Keonjhar District liata ama thihnia chhaota amâ vaw thy thlâh ha nopa hmôpa ama châ.

He chanô hawti 3-pazy paw Durga Sidhu, he tribal chyhsa châ ta, ano chhao he ama O chhôh liata â vaw pa-aosao thlâh ha hra, tahpa, Inspector In-Charge, Anandpur police station, Gagan Bihari Biswal chata a rei. He pawsaw 4-penawh ri he ama mahnô ta a hmôpa ei a châ.

Ama mahnô ta Police a chhona dâhta cha, Durga Sidhu he a lahpinô ta thla 3 a khô hapa liata a thi sai tawh rakhata cha ano liata y molo thai leina nata, palôh atymâna athata a hnei tyh, a ta.