UCL FINAL : Atazâ he Liverpool nata Tottenham ta Europe liata Nyungiapa sôh chaipa amâ chhu aw
UK tawhta zawtheina a za hlei a zaw chhipa ta, Madrid khihpi ngaipa ta English Football fans 70,000 tlaita UK ama puasai - nyungiapa a chalo mâh raihrie leipa, Club mianopa Coach zy chhao, thâtihbu chyhsa hmiakô liata chôpho ta pahneihpa ta, chhôhmarupa lâ deikua atazã ta Europe râhhlypi club zy châta nyungiapa sôh chaipa chalo awpa ta achhuahna siahliapa ama pachhipachâ hai.
Atazâ he Madrid, Spain liata kô 2008 tawhta a eikhana awpa ta English club raihrie - Tottenham nata Liverpool zy cha Champions League final liata amâ hmiachhy ha bâ aw.
Final amâ khaihna awpa, Wanda Metropolitano Stadium liana heta chyhsa 68,000 atyuh thei ei ta; Club mianopazy heta ticket 33,226 raohrie to ei ta; ticket to leipa vâro tlaita Madrid khihpi liata ticket to a hnabeiseihpa ta Madrid ama ngai hra.
'The Reds', heta zâkô UCL Final liata Real Madrid pahnie leipa ta nyungiapa chalo leipa ei ta, English Premier League liata Tottenham hlâta Point 26 ta â sâh viapa 2-na ama châ heih.
Liverpool heta atahmâ Season liana heta amâ khaihna dâh liata reithai hlao kaw ei ta, Point 97 hmópa ta 2-na ama châpa chhao kha, EPL liata 2-na, Point hmô hluh chaipa Record a châ hra.
Châhrasala Jurgen Klopp ta kô 2015 liata Anfield avaw ngai tawhta nyungiapa sâkha hmahta chalo mâh leipa ei ta - he dei châ vei Klopp heta final nano nanopa ei 6 a ngiapa ta, pahniena to tlâ vei. He hry liana heta kô 2013 Champions League, Borussia Dortmund a mohôh notapa nata zâkô ta Liverpool ama tlô leipazy kha â hlao hra.
"Atahmâ cha hmoto a nano ha ta, team to chhao amâ nano ha hra," tahpa ta Klopp chata, "Kei he final ei charu zy liata pahniena eima to leina chhâpa a châ khiahta pachârôna khi a tloh aw. Zâkô Final liana khata cha 'World Class Goal' nata goal eima papua beih leina liata goal 2 papua pi ta"
"Ei football khitlyna he vâduana la tah va na. Rairuna hnei hra va na. Vâdua thai kawpa hawhta â hmô leipa na ta, vâdua thai kawpa chyhsa ei châ khiahta cha pachârôhna khi a tloh aw" a ta.
Liverpool nata Klopp ta ama hmiachhy awpa, Tottenham Hotspurs deikua European club ataopasuana a sâh chaipa liata final eikha amâ ngiana châ ta. He dei châ vei, kô 11 chhôh cha khâpa nyungiapa hmahta chalo vei ei. Kô 2008 League Cup ama chalo tawhna khata ama ku a rua lymâ chy.
Espanyol nata Southampton coach parohpa, Mauricio Pochettino heta manager a châ tawhta nyungiapa a chalo tua chai awpa a hnabeiseih hai ta; he he hlao a patloh thei khiahta cha avaw puana râh, Argentina lâ a kua thlâh ha heih thei, tahpa chhao a reih hra.
Pochettino heta atahmâ ta Tottenham club a mohôhna dâh he panano â ngiah, vaw tah tyh ta. Spurs ta Lucas Moura, January 2018 liata ama lapangia tawhta Player hropa ama lapangia khao heih leipa vâta chhao a châ thei aw.
He chôchâh tah thei awpa ta, Pochettino heta zãhnia Chutyhnoh ta thâtihbu zy hmiakô liata, "Thla 10 a khô hapa liata Season eima pathao no khata cha eima Team he eima pha kaw" tahpa ta, "Kha nona khata Player thiehpa lapangia thei ma pi. Kha vâna khata Player ahy hmahta zuah papua lei awpa ta bietluna eima tao hrapa a châ. Châhrasala Mousa Dembele cha January liana khata a saduthliena hawhta China lã eima zuah papua"
"Eima stadium thiehpa liata akhaih thei mâh leipa pi ta; Wembley liata eimâ khaih awpa â ngiah. He hawhpa rairuna zydua chatôhpa ta, Season liata daihti peimawh chaipa eima tlô haw. Rairuna eimâ tyhpa zydua kha eima pahnie awpa â ngiah" a tah hra.
Atahmâ Season cha Europe liata ataopasua lai chaipa miano, UCL nata Europa League Final liata English club sai a hmiachhy ei ta; Europa League final liata Chelsea ta Arsenal cha 4-1 ta Baku, Azerbaijan liata ama vaw pahnie hapa kha a chã. Atazâ chhao he Liverpool nata Tottenham zy cha UCL Final liata amâ hmiachhy heih aw.
Champions League final liata English club raihrie amâ hmiachhyna hnôh chaipa kô 2008 final kha châ ta, Manchester United ta Chelsea kha penalty hmâpa ta tlô viapa tluana liata ama vaw pahnie hapa kha a châ.
Atazâ India dawh (IST) ta zâcho dawh 12:30Am-pa ta Madrid khihpi liata Nyungiapa Ahy e chalo aw tahpa cha a sia ha bâ aw
Atazâ he Madrid, Spain liata kô 2008 tawhta a eikhana awpa ta English club raihrie - Tottenham nata Liverpool zy cha Champions League final liata amâ hmiachhy ha bâ aw.
Final amâ khaihna awpa, Wanda Metropolitano Stadium liana heta chyhsa 68,000 atyuh thei ei ta; Club mianopazy heta ticket 33,226 raohrie to ei ta; ticket to leipa vâro tlaita Madrid khihpi liata ticket to a hnabeiseihpa ta Madrid ama ngai hra.
'The Reds', heta zâkô UCL Final liata Real Madrid pahnie leipa ta nyungiapa chalo leipa ei ta, English Premier League liata Tottenham hlâta Point 26 ta â sâh viapa 2-na ama châ heih.
Liverpool heta atahmâ Season liana heta amâ khaihna dâh liata reithai hlao kaw ei ta, Point 97 hmópa ta 2-na ama châpa chhao kha, EPL liata 2-na, Point hmô hluh chaipa Record a châ hra.
Châhrasala Jurgen Klopp ta kô 2015 liata Anfield avaw ngai tawhta nyungiapa sâkha hmahta chalo mâh leipa ei ta - he dei châ vei Klopp heta final nano nanopa ei 6 a ngiapa ta, pahniena to tlâ vei. He hry liana heta kô 2013 Champions League, Borussia Dortmund a mohôh notapa nata zâkô ta Liverpool ama tlô leipazy kha â hlao hra.
"Ei football khitlyna he vâduana la tah va na. Rairuna hnei hra va na. Vâdua thai kawpa hawhta â hmô leipa na ta, vâdua thai kawpa chyhsa ei châ khiahta cha pachârôhna khi a tloh aw" a ta.
Liverpool nata Klopp ta ama hmiachhy awpa, Tottenham Hotspurs deikua European club ataopasuana a sâh chaipa liata final eikha amâ ngiana châ ta. He dei châ vei, kô 11 chhôh cha khâpa nyungiapa hmahta chalo vei ei. Kô 2008 League Cup ama chalo tawhna khata ama ku a rua lymâ chy.
Espanyol nata Southampton coach parohpa, Mauricio Pochettino heta manager a châ tawhta nyungiapa a chalo tua chai awpa a hnabeiseih hai ta; he he hlao a patloh thei khiahta cha avaw puana râh, Argentina lâ a kua thlâh ha heih thei, tahpa chhao a reih hra.
Pochettino heta atahmâ ta Tottenham club a mohôhna dâh he panano â ngiah, vaw tah tyh ta. Spurs ta Lucas Moura, January 2018 liata ama lapangia tawhta Player hropa ama lapangia khao heih leipa vâta chhao a châ thei aw.
He chôchâh tah thei awpa ta, Pochettino heta zãhnia Chutyhnoh ta thâtihbu zy hmiakô liata, "Thla 10 a khô hapa liata Season eima pathao no khata cha eima Team he eima pha kaw" tahpa ta, "Kha nona khata Player thiehpa lapangia thei ma pi. Kha vâna khata Player ahy hmahta zuah papua lei awpa ta bietluna eima tao hrapa a châ. Châhrasala Mousa Dembele cha January liana khata a saduthliena hawhta China lã eima zuah papua"
"Eima stadium thiehpa liata akhaih thei mâh leipa pi ta; Wembley liata eimâ khaih awpa â ngiah. He hawhpa rairuna zydua chatôhpa ta, Season liata daihti peimawh chaipa eima tlô haw. Rairuna eimâ tyhpa zydua kha eima pahnie awpa â ngiah" a tah hra.
Atahmâ Season cha Europe liata ataopasua lai chaipa miano, UCL nata Europa League Final liata English club sai a hmiachhy ei ta; Europa League final liata Chelsea ta Arsenal cha 4-1 ta Baku, Azerbaijan liata ama vaw pahnie hapa kha a chã. Atazâ chhao he Liverpool nata Tottenham zy cha UCL Final liata amâ hmiachhy heih aw.
Champions League final liata English club raihrie amâ hmiachhyna hnôh chaipa kô 2008 final kha châ ta, Manchester United ta Chelsea kha penalty hmâpa ta tlô viapa tluana liata ama vaw pahnie hapa kha a châ.
Atazâ India dawh (IST) ta zâcho dawh 12:30Am-pa ta Madrid khihpi liata Nyungiapa Ahy e chalo aw tahpa cha a sia ha bâ aw
No comments