UCL Final : Madrid khihpi liata 'You'll Never Walk Alone' tahpa hla pyu a paro chai haw!
Liverpool ta zâkô lâta Champions League final liata ama vâduana kha my thlyu vei ei; zâhnia zâ liata deikua cha thaphana zâ hmâhpa ta, Tottenham pahniepa ta, Madrid khihpi liata ama Club thâtih liata Champions League nyungiapa 6-na ama chalo haw.
Zâkô Final liana khata Real Madrid defender Sergio Ramos ta Mohamed Salah kha papao ta, hmahphaohpâ ta, palôh pasa kawpa ta mothlih chhaota a y thlâh hapa kha chã ta. Zâhnia zâ deikua Mo Salah he Liverpool châta pahniena lâhaw chhawhtuhpa tah thei awpa ta minute 2-na liata Moussa Sissoko ta a ku ta ball a veipa vâta, Tottenham ta Penalty ama cheihpa cha, Liverpool hmia asahna châ awpa ta Salah heta a za khô.
Zâhnia zâ ta Final heta Semi Final liata hmo rônahpa a tlôpa nata, football mo pha kawpa hawhpa kha miah pahmôsa khao leipa ta, Semi final ziza hawh ngâsâ kha la châ khao vei, tah thei awpa akhaihna liana heta, Spurs heta daihti ryhpaohpa ama hnei tyh tarawpa ta, Liverpool kaovaihtuhpa Alisson siepakhô thei leipa ei ta, Son Heung-min, Lucas Moura nata Christian Eriksen zy chapiepa a vaw pakhâpa kha Liverpool châta cha abohna hmeiseihpa tlai a châ.
Tottenham ta daihti ryhpaohpa ama hmôpazy hmâh phahnai thei leipa ta, goal ama khô thei vei tawh tly chy, Liverpool châta Substitute Divock Origi ta ama manager Jurgen Klopp ta atakô cha Nyungiapa â phuh hmeiseih, tahpa pasiapanô lâlao awpa ta minute 2 deita a y bâ aw tahpa liata Hugo Lloris patu hmâ rimâ lei awpa ta Liverpool goal 2-na a za khô ha heih. Daihti chhâ ta, Madrid khihpi liata Liverpool ta Tottenham cha 2-0 ta pahniepa ta, Champions League nyungiapa ama chalo ha heih..
Mauricio Pochettino ta England captain nata ama striker Harry Kane, April thlâpâ tawhta hmahphaohpa vâta akhaih khao leipa chôta ngâna pahniehpa ta, semi-final liata hat-trick taotuhoa Lucas Moura, vyuhpa ta a pangiasapa chata yzie muarua hnei vei.
Ukraine liata Real Madrid ta ama ku tawhta ama vaw chhu hapa, Champions League Nyungiapa cha Madrid khihpi liata Liverpool ta chalo heih hra ei ta; hetana heta Liverpool he Real Madrid nata AC Milan pazipa ta he nyungiapa chalo hluh chaipa 3-na a châ hai. Daihti a chhâ tawhta Madrid khihpi liata Wanda Metropolitano Stadium pyury hryta, "Matlapa ta lâ chakâ beih aw va chi (You'll Never Walk Alone)" tahpa Liverpool hlapipa ama paryh ngâpa cha, Liverpool a châhtuhpazy palôh a thaoh papua pahnie kaw.
Champions League ataopasuana liata Goal 15 a khô hatuhpa, Mohamed Salah cha goal 21 a khôtuhpa Steven Gerard pazipa ta Liverpool châta Champions League liata goal a khô hluh chaipa 2-na a kaw chã ha hra.
Zâkô Final liana khata Real Madrid defender Sergio Ramos ta Mohamed Salah kha papao ta, hmahphaohpâ ta, palôh pasa kawpa ta mothlih chhaota a y thlâh hapa kha chã ta. Zâhnia zâ deikua Mo Salah he Liverpool châta pahniena lâhaw chhawhtuhpa tah thei awpa ta minute 2-na liata Moussa Sissoko ta a ku ta ball a veipa vâta, Tottenham ta Penalty ama cheihpa cha, Liverpool hmia asahna châ awpa ta Salah heta a za khô.
Zâhnia zâ ta Final heta Semi Final liata hmo rônahpa a tlôpa nata, football mo pha kawpa hawhpa kha miah pahmôsa khao leipa ta, Semi final ziza hawh ngâsâ kha la châ khao vei, tah thei awpa akhaihna liana heta, Spurs heta daihti ryhpaohpa ama hnei tyh tarawpa ta, Liverpool kaovaihtuhpa Alisson siepakhô thei leipa ei ta, Son Heung-min, Lucas Moura nata Christian Eriksen zy chapiepa a vaw pakhâpa kha Liverpool châta cha abohna hmeiseihpa tlai a châ.
Tottenham ta daihti ryhpaohpa ama hmôpazy hmâh phahnai thei leipa ta, goal ama khô thei vei tawh tly chy, Liverpool châta Substitute Divock Origi ta ama manager Jurgen Klopp ta atakô cha Nyungiapa â phuh hmeiseih, tahpa pasiapanô lâlao awpa ta minute 2 deita a y bâ aw tahpa liata Hugo Lloris patu hmâ rimâ lei awpa ta Liverpool goal 2-na a za khô ha heih. Daihti chhâ ta, Madrid khihpi liata Liverpool ta Tottenham cha 2-0 ta pahniepa ta, Champions League nyungiapa ama chalo ha heih..
Mauricio Pochettino ta England captain nata ama striker Harry Kane, April thlâpâ tawhta hmahphaohpa vâta akhaih khao leipa chôta ngâna pahniehpa ta, semi-final liata hat-trick taotuhoa Lucas Moura, vyuhpa ta a pangiasapa chata yzie muarua hnei vei.
Ukraine liata Real Madrid ta ama ku tawhta ama vaw chhu hapa, Champions League Nyungiapa cha Madrid khihpi liata Liverpool ta chalo heih hra ei ta; hetana heta Liverpool he Real Madrid nata AC Milan pazipa ta he nyungiapa chalo hluh chaipa 3-na a châ hai. Daihti a chhâ tawhta Madrid khihpi liata Wanda Metropolitano Stadium pyury hryta, "Matlapa ta lâ chakâ beih aw va chi (You'll Never Walk Alone)" tahpa Liverpool hlapipa ama paryh ngâpa cha, Liverpool a châhtuhpazy palôh a thaoh papua pahnie kaw.
Champions League ataopasuana liata Goal 15 a khô hatuhpa, Mohamed Salah cha goal 21 a khôtuhpa Steven Gerard pazipa ta Liverpool châta Champions League liata goal a khô hluh chaipa 2-na a kaw chã ha hra.
No comments