Old Trafford puasai awpa a chhuahtuhpa Paul Pogba?

Manchester United midfielder Paul Pogba chata Manchester United puasai awpa a khoh, tahpa a ‘agent’ Mino Raiola chata ‘The Times’ thâtihbu a chho.

Gettyimages

Pogba, kô 26-ta uhtheipa he, atahmâ hâta tawhta Season thiehpa châta Training ama hneina su liata a hmi hmô awpa y khao leipa ta, he heta a hmialâ daihti a siahlia leinazie a palâsapa hawhta BBC chata a palâsa.

A khô hapa Chhiepa thlâpâ liana khata, Pogba heta "Pahaona thiehpa hmiachhy awpa ta daihti ryhpaoh kawpa a châ" vaw tah ha ta. A Agent Raiola chata Pogba chôchâh he ‘The Times’ thâtihbu hnohta hetana heta a rei : "Ahyrai ta Paul Pogba ta a hmialâ daihti châta a khotlyna ama pahno khai. Cha cha eima buakhei hai hra. Ahyrai ta Paul pachâna ama pahno khai hra” tahpa ta, he Italian agent heta : "Club chhôh liata ahyrai, Manager, Player, Club hneituhpazy ta chhao Paul hmo khopa ama pahno khai" a tah hra.

France international Pogba he Pre-Season training, Abeipanoh ta Australia lâ ama sie n’awpa liata a sie hr’aw ma, tahpa hiahrihna cha Raiola heta : "Khâpa hmahta cha chho chhielie thei vei ei na" tahpa ta â chhy hra.

United Player hropazy cha Australia liata Training hnei awpa heta ama moh pangia khai ha ei ta, Pogba deikua he a thâtih siahlia mâh vei. He hawhta a châ nona heta Real Madrid nata Italian champions Juventus zy cha Pogba nahta reipazaopa châ ngâthlâh ha chy ei ta, kô 2021 taihta United liata contract a hneipa Pogba hmialâ daihti he sia thai khao mâh vei.

Kô 2016 liata Juventus tawhta United â vaw pazao chanei heih tawhna khata, Pogba heta khaih 135 liata goal 31 khô ta, EFL Cup nata 2016-17 FA Cup nyungiapa a chalo ha hra.

He hleikhôna heta, Liverpool nata Manchester City player tah leipa ta Club hropa tawhta ‘Professional Footballers' Association Team of the Year for 2018-19’ liata a hlaopa a y chhôhpa a châ.