Breaking News : Pakistan Commando-zy amâ vaw ngiapa ta pahnona vâta India ahrohrua

Gujarat liata balyh apahâna (Ports) zydua cha ahrohrua awpa ta pahnosapa ama châ. He he biehnawh thokha ta "Pakistani commando-zy ta Kutch, Gujarat lâ tawhta tilaipi siepahliepa ta India râh avaw ngiahnao achhuah ei ta; Gujarat liata atlahnaona nata zyhna py likah liata buana patlôsa awpa amâ chhuah” tahpa ama palâsapa vâta a châ, tahpa NDTV chata a palâsa.

Gujarat liata balyh apahâna su - Adani Ports nata SEZ-zy ta ama reina dâhta cha, "Tilaipi Ngiahkâ vaihtuhpa (Coast Guard)-zy ta bie ama daona dâhta, Pakistan commando-zy ta Gulf of Kutch-cha tilaipi pachiahpa, Harami Nala a chhihpa ta a zâ ngia ei ta, henah sahlao he ti ry tawhta hmiahaopazy tlahnao thei awpa ta pachuapa ama châ" ama ta.

"He vâna heta Gujarat state liata su nano nanopazy cha ahrohrua awpa ta pahnosapa châ ei ta. Mundra Port liata balyh a ngiapazy ta cha avihna pha kawpa nata a kohkina pha kawpa ry liata amâ hrohrua ngâthlâh ha awpa a châ" tahpa pahnosana ama papuapa hawhta NDTV chata a palâsa.