DC Siaha ta phei ta Siaha tawhta siepa ta Tisôpi khih a tlô
Siaha : Pachyhnoh (24.8.2019) my dawh 6:30Am khata Siaha DC Bhupesh Chaudhary IAS nata ano chakaochahlâtuhpazy chata, Siaha khihpi nata Tisôpi khih likah, PMGSY hmahlana ry liata lâthlôh chao haipa cha tlypa ta, phei ta Km 14 rachhôhta pasihpa ama sie tawhta Tisôpi khih cha phei tlaita ama tlô.
Tisôpi nata Siaha lâthlôh tai haipa he Block 5 lâta pachhaihpa châ ta, atahmâ he Block 3-liata 'Road cutting' patlô ha ei ta. Block 2-liata road cutting ama hria hai.
Siaha khihpi tawhta Tisôpi khih pangaina lâthlôh liana heta, LADC Area ôna chhôh liata khih 3 - Lungzarhtum, Bualpui 'NG' nata Siachangkawn khih zy siepahliepa a ngiah tyh ta, dawh 3 daihmâ sie tyhpa a châ.
Atahmâ ta lâthlôh thiehpa ama tao haipa deikua heta cha, LADC Area siepahlie leipa ta Siaha tawhta khâpa khih hmahta chapia a ngiah leipa ta, Tisôpi khih a sie thei ha bâ aw ta, Km 15 rachhôh deita ta pasihpa a châ bâ hra aw.
Siaha DC Bhupesh nata ano chakaochahlâhtuhpazy heta Tisôpi khih zawpizy tawhta khih hawka liata a rônah kawpa ta vaw dy ei ta, DC he amâ sy
DC heta Tisôpi khih liata Anganwadi nata Siku zy, Centenary Women Self Help Group zy mohôh haipa - iahmaihpa taona - PMKSY hnuaia Turmeric processing plant nata sawhkhâ hmahlana nano nanopazy a tly hra.
He Turmeric Processing plant vâna heta zâkô khata, Siaha district ta 'Prime Minister Excellence Award in Public Administration' lymâzy chhao vaw dao ha ta. Châhrasala kha PM excellence Award ta â chakaihpa, a sôh lâta lymâ ama piepa 'Incentives cash prize' tlaw Rs.thysy 10 (lakhs) deikua Tisôpi khih hmâpa châ leipa ta, su hro lâ parai/pasiesa (divert) syulyu hapa a châ tahpa Tisôpi khih zawpizy chata Siaha DC Bhupesh he vaw chho ei ta. Siaha DC ta phei tlai ta Siaha tawhta Tisôpi a vaw tlypa cha amâ lyzie reih ei ta, ano tlaita ama rairuna zy vaw hmôpa ta, a pahnokheipa vâta amâ lyzie ama rei.
DC Siaha he Tisôpi biatuhpa MDC HC Biakcheuva nata sawhkhâ chyhsa vâro tlaita ama zi.
- DIPR
Tisôpi nata Siaha lâthlôh tai haipa he Block 5 lâta pachhaihpa châ ta, atahmâ he Block 3-liata 'Road cutting' patlô ha ei ta. Block 2-liata road cutting ama hria hai.
Siaha khihpi tawhta Tisôpi khih pangaina lâthlôh liana heta, LADC Area ôna chhôh liata khih 3 - Lungzarhtum, Bualpui 'NG' nata Siachangkawn khih zy siepahliepa a ngiah tyh ta, dawh 3 daihmâ sie tyhpa a châ.
Atahmâ ta lâthlôh thiehpa ama tao haipa deikua heta cha, LADC Area siepahlie leipa ta Siaha tawhta khâpa khih hmahta chapia a ngiah leipa ta, Tisôpi khih a sie thei ha bâ aw ta, Km 15 rachhôh deita ta pasihpa a châ bâ hra aw.
Siaha DC Bhupesh nata ano chakaochahlâhtuhpazy heta Tisôpi khih zawpizy tawhta khih hawka liata a rônah kawpa ta vaw dy ei ta, DC he amâ sy
DC heta Tisôpi khih liata Anganwadi nata Siku zy, Centenary Women Self Help Group zy mohôh haipa - iahmaihpa taona - PMKSY hnuaia Turmeric processing plant nata sawhkhâ hmahlana nano nanopazy a tly hra.
He Turmeric Processing plant vâna heta zâkô khata, Siaha district ta 'Prime Minister Excellence Award in Public Administration' lymâzy chhao vaw dao ha ta. Châhrasala kha PM excellence Award ta â chakaihpa, a sôh lâta lymâ ama piepa 'Incentives cash prize' tlaw Rs.thysy 10 (lakhs) deikua Tisôpi khih hmâpa châ leipa ta, su hro lâ parai/pasiesa (divert) syulyu hapa a châ tahpa Tisôpi khih zawpizy chata Siaha DC Bhupesh he vaw chho ei ta. Siaha DC ta phei tlai ta Siaha tawhta Tisôpi a vaw tlypa cha amâ lyzie reih ei ta, ano tlaita ama rairuna zy vaw hmôpa ta, a pahnokheipa vâta amâ lyzie ama rei.
DC Siaha he Tisôpi biatuhpa MDC HC Biakcheuva nata sawhkhâ chyhsa vâro tlaita ama zi.
- DIPR
No comments