MTP Gen.HQ : Siaha ta Alô nata Tho Mistiri hlao awpa zie bitai

Zâhnia târi 12.08.19 my dawh 11:30Am-khata MTP Gen.HQ : Office Conference Hall, Siaha liata MTP Gen HQ : Siaha ta Mararâh Tho Mistiri nata Alô Mistiri-zy Joint Meeting a hneikhei ei.

Puhpa PP.Zalena President, MTP Gen HQ : Siaha chhihthana ry liata Joint Meeting chata, he hawhna bie ama pachia. 32 ama hlao.

1. Tho Mistiri Association nata Alô Mistiri Association padua n'awpa dâh nata ama hlao (rate) chôchâhzy reipa châ ta. "MTP Gen HQ : Siaha pahnokheina ry liata Tho Mistiri Association nata Alô Mistiri Association he  paduapa châ mawh sy" tahpa ta pathlupa a cha. (Tipâ Town Tho Mistiri Association deikua cha padua hapa a châpa vata angiapâpa ama châ aw)

2. Siaha town chhôh liata Tho Mistiri Association nata Alô Mistiri Association he a chatliena lâta paduapa châ sala. Election result cha MTP Gen HQ : Siaha liata pangiapa a châ aw.

3.Tho Mistiri Association nata Alô Mistiri Association he Mara râh khih tota â ryhpaona lia maihta padua theipa a châ aw.

4. Tho Mistiri nata Alô Mistiri member zydua ta ama moh, address nata ama passport (2 copies) MTP Gen HQ liata pangia khaipa châ ta, MTP Gen HQ ta ama ID Card a taopa aw.

5. Tho Mistiri Hlao (Daily Rate) cha ary liatapa hawhna heta taopa a châ -
(1) Mistiri - Rs 1,000
(2) 2nd Mistiri - Rs   700
(3) Helper - Rs.  400

6. Alô Mistiri daily rate :
(1) Mistiri - Rs 1,000
(2) Helper - Rs    400

He Rate taopa he târi 12.08.19 tawhta hmâ pathaopa a châ aw.