Mizoram : Chapaw hawti kô 2-pa cha a lei tawhta a noh 7-na liata a ri ama hmô

17th November, 2020 (MSR) : Atanoh zâlâ dawh 2:30 rachhôh khata Mizoram nata Cachar râhrina, a paw ta a Auto Rickshaw a park-na (A paw ta a siesaina su ta reipa) tawhta KM5 rachhôhta â hlapa, Tuidaikhur chavah liata Lalsiamthara ri cha hmôpa a châ.

Chapaw kô 2 nata â khophie-pa Lalsiamthara he November noh 11 my dawh 7 rachhôh tawhna khata a yna chybia pahno thei khao lei awpa ta lei ta, atanoh he a lei tawhta a noh 7-na a châ. 

Atanohta aleipa tluana noh 7-na liana heta Vairengte khihtlâh nata khih nano nanopa tawhta hawti a leipa tlua awpa heta chyhsa hluhpi â thao ei ta, group nano nanopa ta â pachhaihpa ta Vairengte Hmarveng paw, Puhpa Templemawia nata a viasazy chata Cachar râhri daih lâ tlua ei ta, hawtipa ri he ti liata â khu lâta a ypa ama kei hmô hapa a châ.

Hawtipa ri â lâ theipa rakha liata hmahzô tlyma nata kupathlana hniehnôh hmô awpa y leipa ta, a roh deikua bâhta la a pahnâh pathao hapa hawhta reipa a châ.

Atahmâ he Vairengte police nata chyhsa atlyh-eihpa chyhtazy ta ri yna he ngai hai ei ta. Aizawl forensic lâ chhao pahnosapa châpa ta, he thâtih pachhuahpanoh hai nona heta amâ ngiachhih hai hra.

He hawtipa ri he Lalsiamthara tlai a châ, tahpa pasiapa a châ ha, tahpa Puhpa PC Lalmuankima Vairengte Hmarveng branch YMA President chata a rei.

- Biehnawh : Vanneihthanga Vanchhawng

- Photo source : Vanneihthanga Vanchhawng via FB MSR Group