Serchhip : Âteih â kaona liata chavyh ta tlahnao

Zâhnia târi 27.8.2019 (Hriaheihnoh) myrâh khata Puhpa Thangliana, kô 49-ta uhtheipa, Serchhip Darnam Vaihpa cha Serchhip tawhta Thenzawl lâthlôh, Mat chavah tlô hlâ ‘Thuhruk Zau’ ama tahpa liata âteih â kaopa cha chavyhta vaw tlahnaopa ta, hmah a phaoh pasa kaw.

Puhpa Thangliana zy he chhôhkha khihsa rairu kaw hrapa châ ei ta, zâhnia my khata âhmie zuah awpa âteih nata ridy zy hawhpa a kao awpa ta ‘Thuhruk zau’ lâ he sie ta. He su liata âteih â kao ngâkaw nota Chavyh heta a vaw tlahnao hapa a châ.

Puhpa Thanga heta a mo, hmao, a nahkao, a py nata ku liata zy hmah phaoh ta. Chavyh heta a khotaw ta a taola tawhta tlâ a siesai thlâh ha heihpa ta â lâ. Lâthlôh lâ a zâ lyhpa ta, ahluahtheipa liata a kiahpazy ta vaw hmô ei ta, ama buakhei hapa a châ.

Serchhip thohna-O ngaikheipa châ ta, a hmah pasa viapazy buakheipa a châ tawhta Falkawn Thohna-O ngaikheipâ hapa a châ.

Puhpa Thanga he a lahpinô nata a saw 2-zy chhaota Serchhip Darnam vaih liata khihsa haipa ama châ.