US Open 2019 : Rafael Nadal ta pahniena a to ha heih..

Rafael Nadal ta New York khihpi liata pahniena to heihpa ta. Abeipanoh zâcho tawhta Hriatuanoh mydi taihta akhaihpa a châ tawhta, US Open 2019 nyungiapa chalopa ta, he Spaniard tennis player rônahpa heta Arthur Ashe Stadium liata US Open nyungiapa cha, a ei palihna châta a chalo ha heih.

Final liana heta Nadal heta Daniil Medvedev cha dawh palih nata minute 49 chhôhta 7-5, 6-3, 5-7, 4-6, 6-4 pahniepa ta, Russian Tennis thaipa Medvedev heta â dao pathla daihmâ ha tyh.

Rafael Nadal heta US Open 2019 nyungiapa chhaota Grand Slam nyungiapa ei 19 a chalo ha tahna châ ta. Chapaw lâta Grand Slam nyungiapa chalo hluh chaipa, Roger Federer â kaw hnia via lymâ ha bâ.