Kerela : Ama chhôhkha manôh 6 thietuhpa cha ama myuhnô a vaw châ thlâh ha!
Kô 17 a khô hapa tawhta â thaopa ta, chhôhkha liata thina vaw tlô pazao lymâ sala, chhôhkha manôh 6 tlai â pazipa ta thi ei sala, ama thina chhâpa pahno tlô leipa châ sala, nôpo a chhih aw ta, palôh pasa â chhih kaw aw. Kerala liata chhôhkha miakha chô liata thina nano nanopa no-âhchhih kawpa, chhôhkha manôh 6 thina, kô 17-a khô hapa tawhta a tlôpa liata maophaohtuh chaipa ta pahnopa cha patupa châ ta. Kerela Police-zy chata, he chhôhkha manôh 6 thina liata maophaohtuhpa 3 - chanô pakha â hlaopa ta târi 5 Phiata, 2019 khata patu ei ta, he ama patupa hryta chanô pakha he, thina tlôna chhôhkha liata ama myuhnô, a chhôhkhazy pati nie awpa liata Châmaih (Cyanide) pahlaopa ta, ama hrona a latuh chaipa a châ.
He hawhta he chhôhkha manôh 6 thina liata maophaohtuhpa patupa ta a y theina chhâpa he, Kerela Police-zy tiamana nata apiepasana vâta tah leitheipa châ vei. Kerela Police-zy heta kô 2002 nata 2016 likah liata he chhôhkha manôh a thipa 6-zy ri cha ama thlâ tawhta thaoh heihpa ta, khahlâ tawhta amâ vaw laichadaipa nata khâ ama vaw pangiasapa cha pasiapa ta, he chhôhkha manôh 6 thina liana heta ama myuhnô kô 47-ta uhtheipa Jolly Thomas he maophaohtuhpa tlai a châ, tahpa ta ama patu hapa a châ. Jolly Thomas he kô 2011 liata no-âhchhih kawpa ta a thi ha hrapa, Roy Thomas lahpinô châ ta, a vahpa tlai chhao pahlôh vei tahna a châ.
Kerela Police-zy heta Jolly Thomas raohpa heta, a viasanah M Mathew, châmaih (potassium cyanide) vaw pachâpatuhpa nata ababâpa (Jewellery) taotuhpa Praju Kumar, châmaih lâchhâh vaw pachâtuhpa pyly zy cha patupa ama châ hra. Kozhikkode Rural SP KG Simon cha, he chyhsa pathôh-zy he thla 2 chhôh tlai he liahnycheina amâ laichadai tawhta nata pasiana (evidence) ama hnei liahsa tawhta patu hapa ama châ, a ta.
He chhôhkha manôh 6 a thipa hry heta - ama nôhrâ chaipa - Anamma Thomas cha thi tuachaipa ta, kô 2002 khata thi ta. Nôhrâpa a thi tawhta kô 6-na liata pawhrâhpa Tom Thomas cha kô 2008 khata a thi heih hra. He khai tawhta he thina liata maophaohtuhpa hawhta baipa Jolly Thomas vahpa Roy Thomas cha kô 2011 khata thi heih ta, Roy Thomas nô rilâhpa (a puhpa) Mathew cha kô 2014 khata a thi heih. He tawhta kô 2 khô ta, ama chhôhkha manôh hrytapa Scily nata a saw kô 1-pazy cha no-âhchhih kawpa ta ama thi heih hra.
Police zy ta ama reina dâhta cha he a thipa zydua he pati/lao ama nie khai dyuta tahpa liata a thipa sai ama chã hleikhôta, henahzy ama thi no heta ama myuhnô Jolly Thomas he O liata a y no a châ lymâ hra. He heta Police zy pachãna liata Jolly Thomas pangiasana a sapapua hapa a chã. Police-zy chata he hawhta Jolly Thomas ta a vahpa nata a chhôhkha manôh 6 tlai a thiena chhâpa he khopa hropa a hneipa vâta nata ama chhôhkha ryu a khohpa vâta a châ na ta ama pangiasa chai.
He hawhta kô vâro tlai a khô hapa liata liahnycheina, kô 2019 liata pahnopapuapa a châ thlâh hapa he, maohphaohtuhpa Jolly Thomas he â nyu thei kaw tahna châ ta; he hmo he Tom Thomas sawchapaw pakha viapa, Roji Thomas, United States liata a pahrâpa ta a chhôhkhazy thina dâh alaichadai pathi awpa ta Kerela Police zy liata a tlôkhei heihpa vâta he hawhta lianycheihtuhpa ama patu thei hapa he a châ.
He lianycheihtuhpa Jolly Thomas he â nyu thei kawpa chanô a châ hleikhôta, nohthlah â châ thai kaw. National Institute of Technology (NIT), Kozhikkode liata kô 14 chhôh Lecturer hawhta nohthlah â châ! Ano he B.Com deita a châ.
Kô 47-ta uhtheipa Jolly Thomas he ama khih nata tlâh liata chanô alâluah kawpa, khihtlâh nata vaihtlâh hmotaona liata veiseih kawpa, chyhsa ta sia ama vaw tah kaw tyhpa chanô châ ta. Ama awnanopa bia chhôh liata chhao chyhsa phahnai kawpa, zyhna pachâ peimawh kawpa, Abeipanoh apakhyna chhei beih leipa, awnanopa chyhsa kawpa a châ, tahpa ta a yna awnanopa bia chyhsazy ta ama rei.
Jolly Thomas heta, he chyhsa a thiepazy nie awpa liana heta châmaih pahlao tyhpa ta, he châmaih pahlaopa pati/lao ama nie tawhta rei leipa liata ama thi ha tyhpa a châ.
Chanô siapa, zyhna pachã peimawhpa, apakhyna chhei beih leipa, awnanopa daihti pachâ peimawhpa chanô ta, kô 14 chhôh tlai chyhsa 6 hrona a lapa, khâpa hmahta pahno leipa hawhta a hrokhei thlãh hapa he no-âh â chhih kaw!
He hawhta he chhôhkha manôh 6 thina liata maophaohtuhpa patupa ta a y theina chhâpa he, Kerela Police-zy tiamana nata apiepasana vâta tah leitheipa châ vei. Kerela Police-zy heta kô 2002 nata 2016 likah liata he chhôhkha manôh a thipa 6-zy ri cha ama thlâ tawhta thaoh heihpa ta, khahlâ tawhta amâ vaw laichadaipa nata khâ ama vaw pangiasapa cha pasiapa ta, he chhôhkha manôh 6 thina liana heta ama myuhnô kô 47-ta uhtheipa Jolly Thomas he maophaohtuhpa tlai a châ, tahpa ta ama patu hapa a châ. Jolly Thomas he kô 2011 liata no-âhchhih kawpa ta a thi ha hrapa, Roy Thomas lahpinô châ ta, a vahpa tlai chhao pahlôh vei tahna a châ.
Kerela Police-zy heta Jolly Thomas raohpa heta, a viasanah M Mathew, châmaih (potassium cyanide) vaw pachâpatuhpa nata ababâpa (Jewellery) taotuhpa Praju Kumar, châmaih lâchhâh vaw pachâtuhpa pyly zy cha patupa ama châ hra. Kozhikkode Rural SP KG Simon cha, he chyhsa pathôh-zy he thla 2 chhôh tlai he liahnycheina amâ laichadai tawhta nata pasiana (evidence) ama hnei liahsa tawhta patu hapa ama châ, a ta.
He chhôhkha manôh 6 a thipa hry heta - ama nôhrâ chaipa - Anamma Thomas cha thi tuachaipa ta, kô 2002 khata thi ta. Nôhrâpa a thi tawhta kô 6-na liata pawhrâhpa Tom Thomas cha kô 2008 khata a thi heih hra. He khai tawhta he thina liata maophaohtuhpa hawhta baipa Jolly Thomas vahpa Roy Thomas cha kô 2011 khata thi heih ta, Roy Thomas nô rilâhpa (a puhpa) Mathew cha kô 2014 khata a thi heih. He tawhta kô 2 khô ta, ama chhôhkha manôh hrytapa Scily nata a saw kô 1-pazy cha no-âhchhih kawpa ta ama thi heih hra.
Police zy ta ama reina dâhta cha he a thipa zydua he pati/lao ama nie khai dyuta tahpa liata a thipa sai ama chã hleikhôta, henahzy ama thi no heta ama myuhnô Jolly Thomas he O liata a y no a châ lymâ hra. He heta Police zy pachãna liata Jolly Thomas pangiasana a sapapua hapa a chã. Police-zy chata he hawhta Jolly Thomas ta a vahpa nata a chhôhkha manôh 6 tlai a thiena chhâpa he khopa hropa a hneipa vâta nata ama chhôhkha ryu a khohpa vâta a châ na ta ama pangiasa chai.
He hawhta kô vâro tlai a khô hapa liata liahnycheina, kô 2019 liata pahnopapuapa a châ thlâh hapa he, maohphaohtuhpa Jolly Thomas he â nyu thei kaw tahna châ ta; he hmo he Tom Thomas sawchapaw pakha viapa, Roji Thomas, United States liata a pahrâpa ta a chhôhkhazy thina dâh alaichadai pathi awpa ta Kerela Police zy liata a tlôkhei heihpa vâta he hawhta lianycheihtuhpa ama patu thei hapa he a châ.
He lianycheihtuhpa Jolly Thomas he â nyu thei kawpa chanô a châ hleikhôta, nohthlah â châ thai kaw. National Institute of Technology (NIT), Kozhikkode liata kô 14 chhôh Lecturer hawhta nohthlah â châ! Ano he B.Com deita a châ.
Kô 47-ta uhtheipa Jolly Thomas he ama khih nata tlâh liata chanô alâluah kawpa, khihtlâh nata vaihtlâh hmotaona liata veiseih kawpa, chyhsa ta sia ama vaw tah kaw tyhpa chanô châ ta. Ama awnanopa bia chhôh liata chhao chyhsa phahnai kawpa, zyhna pachâ peimawh kawpa, Abeipanoh apakhyna chhei beih leipa, awnanopa chyhsa kawpa a châ, tahpa ta a yna awnanopa bia chyhsazy ta ama rei.
Jolly Thomas heta, he chyhsa a thiepazy nie awpa liana heta châmaih pahlao tyhpa ta, he châmaih pahlaopa pati/lao ama nie tawhta rei leipa liata ama thi ha tyhpa a châ.
Chanô siapa, zyhna pachã peimawhpa, apakhyna chhei beih leipa, awnanopa daihti pachâ peimawhpa chanô ta, kô 14 chhôh tlai chyhsa 6 hrona a lapa, khâpa hmahta pahno leipa hawhta a hrokhei thlãh hapa he no-âh â chhih kaw!
No comments