Mizoram : Chanô azuahpa (Sex worker) 4 lymâ liata 1 ta HIV pasana ama hnei - NACO
National AIDS Control Organisation (NACO)-ta 'Sentinel Surveillance' ry liata â chupasiana ama siekheipa liata, Mizoram liata chanô azuahpa (Sex Worker) papalih hryta pakha lymâ ta HIV pasana ama hneipa hawhta ama hmo hmôpapuapa liata palâsapa a châ. He he India râh liata â sâh chai.
He achupasiana tawhta ama hmôpapuana dâhta cha Mizoram pazipa ta Meghalaya, y ta, chanô azuahpa hryta 5.94% ta HIV hnei ei ta, he he India rãh pôhpalôhpa liata chanô azuahpa hryta HIV hneipa zie 1.56%, hlâta â sâh via syulyu hra.
Official lâ tawhta ama reina dâhta cha, “Chanô azuahpa he pakhazie tlai ma ama y tahpa he pahno ru kaw ta, achhâpa cha ama châna hmeiseihpa palâhâhpa a châ tyh leipa vâta a châ" ama ta.
Mizoram State AIDS Control Society (MSACS) ta ama reina dâhta cha kô 2019-2020 chhôh heta Mizoram liata chanô azuahpa (Sex worker) 906 ama ypa hawhta ngiapa châ ta, zâkô khata chanô azuahpa 851 ama ypa hawhta ngiapa a châ hra.
MSACS chata, Mizoram district to liata chanô azuahpa he ama y tarawpa ta, a hluh chaipa - 90% – he cha Aizawl khihpi liata ama y. He achupasiana ta a palâsana dâhta, chanô azuahpa hluh viapazy he cha sôh lâchhâh rairuna vâta a zuahpa ama châ.
Mizoram zawpi maluh tawhta reipatipa ta 2% hlâta hluh viapa ta HIV ama hneipa hawhta palâsapa châ ta, he he India râh duasu - 0.22%, hlâta â sâh via, tahpa MSACS project director Dr Lalthlengliani ta a rei.
Kô 2017 liata NACO ta achupasiana a hneipa reihpa ta, Lalthlengliani chata Mizoram state maluh liata zakha lymâ liata HIV a hneipa reipatipa ta cha, Mizoram pazipa ta Manipur - 1.43%, nata Nagaland - 1.15%, ama y, a ta.
MSACS director chata kô 1990 rakha tawhna khata Mizoram state liata AIDS vâta chyhsa 2,000 rachhôh tlai ama thi ha, a tah hra.
Source: Times Of India
He achupasiana tawhta ama hmôpapuana dâhta cha Mizoram pazipa ta Meghalaya, y ta, chanô azuahpa hryta 5.94% ta HIV hnei ei ta, he he India rãh pôhpalôhpa liata chanô azuahpa hryta HIV hneipa zie 1.56%, hlâta â sâh via syulyu hra.
Official lâ tawhta ama reina dâhta cha, “Chanô azuahpa he pakhazie tlai ma ama y tahpa he pahno ru kaw ta, achhâpa cha ama châna hmeiseihpa palâhâhpa a châ tyh leipa vâta a châ" ama ta.
Mizoram State AIDS Control Society (MSACS) ta ama reina dâhta cha kô 2019-2020 chhôh heta Mizoram liata chanô azuahpa (Sex worker) 906 ama ypa hawhta ngiapa châ ta, zâkô khata chanô azuahpa 851 ama ypa hawhta ngiapa a châ hra.
MSACS chata, Mizoram district to liata chanô azuahpa he ama y tarawpa ta, a hluh chaipa - 90% – he cha Aizawl khihpi liata ama y. He achupasiana ta a palâsana dâhta, chanô azuahpa hluh viapazy he cha sôh lâchhâh rairuna vâta a zuahpa ama châ.
Mizoram zawpi maluh tawhta reipatipa ta 2% hlâta hluh viapa ta HIV ama hneipa hawhta palâsapa châ ta, he he India râh duasu - 0.22%, hlâta â sâh via, tahpa MSACS project director Dr Lalthlengliani ta a rei.
Kô 2017 liata NACO ta achupasiana a hneipa reihpa ta, Lalthlengliani chata Mizoram state maluh liata zakha lymâ liata HIV a hneipa reipatipa ta cha, Mizoram pazipa ta Manipur - 1.43%, nata Nagaland - 1.15%, ama y, a ta.
MSACS director chata kô 1990 rakha tawhna khata Mizoram state liata AIDS vâta chyhsa 2,000 rachhôh tlai ama thi ha, a tah hra.
Source: Times Of India
No comments