India Dâhpipa liata ARTICLE 35-A pahlei awpa achhuahna vâta ziza â sâh kaw!
India dâhpipa, Constitution liata "article 35 A" panano awpa achhuahna a ypa vâta Kashmir nata Jammu rachhôh su thokha liata buana laipa tlô thei awpa ziza a y hai. He buan tlô thei awpa tawhta avaihna châta biehneituhpazy chata Kashmir, India tawhta alapa-eih awpa a khohtuhpa 'Seperatist chhihthatuhpa' zy cha buana pathaotuhpa ama châ leina awpa ta khôtho pua thei lei awpa ta, 'House arrest' ta ama soh hai.
Jammu & Kashmir châta India dâhpipa ta 'Special Status' avaw taopa, 'article 35 A' Supreme court ta pahlei awpa â chhuahpa hawhta pahnona chata J&K ziza a pasãh kaw.
Delhi liata NGO miakha, ‘We the Citizens’ zy chata 'article 35 A' ta J&K liata chanô ta state hropa chapaw vahpa a hnei khiahta cha, J&K liata tovyuh hnei khao leipa aw ta, a sawnah chhao state hropa hawhta pachâpa ama châ aw, tahpa zy, state chyhsa châ leipazy châta o hmo lyuhmo chalei pasaileinazy, State sawhkhâ liata rai ama hia thei leina dâhzy nata J&K châta khokheina eihhrâhpa ypa zydua pahlei awpa ta Supreme Court liata â kho ei ta. He he atanoh târi 6 Thlahzoh heta Supreme Court liata pachiapa a châ aw. Supreme Court bietluna India ta a mokhâh thlâh ha bâ.
He Article 35 A pahlei awpa achhuahna adyuhna châta lâthlôh a chhihna cha buana y leipa ta ama hnei thei aw, tahpa director general of police (DGP) Shesh Paul Vaid chata Greater Kashmir zawpizy a pahnosa.
J&K sawhkhâ chata ama Governor N N Vohra sahlaota article 35 A akhona cha pachia lei awpa ta Supreme Court liata hiana pangia ei ta. He Article 35 A akhona he J&K liata muslim maluh pachyhsa achhuahna a châ, ama ta.
He hmo vâna heta Kashmir daoh zydua khawpa ta, hmoto a chalih ta, Supreme Court bietluna reizie ta ziza he â pahieh awpa alyu ha bã. Kashmir chyhsazy heta, “Article 35 A pabohsa awpa ta hmoto eima hlâ ngâh”tahpa ta Supreme Court ama mokhâh hai.
