Article : MARA REIH - By J.Thangchungnunga

Mawrâh(Mizoram) liata pho hluh kawpa châ hlei leipa ta la, Mara nahzy he ama reih  pabohsa thai kawpa ama châpa ta ei pahno.

He tlupo ta mawreih cheihpa nata apahlaopahlipa ta ama ypa chhao he ta, ama yna lia maih ta, âmo hry liata cha Marareih  hmâh  viachai lymâ ei ta, ahlâ zydua kha reipachhie vaw hlao ngâkaw tyh hra ei sala, ama tao pasu kaw tahpa he tlao â vaw lâ lymâ  he zaw.

Mara tahpa heta pho nano nano pa khazie tlyma pahly ta, Naga nahzy hawta khi tota ama reih he ânano lai ta, châhrasala Mara reih pipa ama hmâh chaipa cha Tlôsaih Siaha Saikao rachhôh liata reih he a vaw châ.

Mara nah he ama reih ama pabohsa pasa dâh he, he hawpa lâchhâh ta amâ vaw hra patoh dâh he, khôtho lâ chysa zy he ta cha eima pahno kheilei kaw thei.

Kô 1960 hmialâ syulyu a châpa ta pahno na ta; ama hla sâkha cha he hawh he ta a châ:-

*Eivaw pihkheih ei reih cheina,*
*Hy a lei awpa pasaih vana,*
(Pasô ei si â ngianazie he)
*Thyutlia eima daihti chyu ta.*

Daihti khô chiehpa (liata) chho lâ  chyhsa Pasô amâ hlaolei no chhao ta, he hawhpa palôh  he â i kawpa ta ama vaw phaoh syulyu ha.

Palietuhpa:
A. Thazi,
Siaha Vaihpi: Siaha