Kheita nâ mô/zia tyh? : Nâ zia/môna dâhta na châna a palâsa!
Chyhsa to heta a ziana dâh nata a môna, eima ngiaryhnazie lymâ hawhta hnei chyu pi ta. Châhrasala, chyhsa hluhpi ta eimâ ziana/môna dãh heta eima hrozie nôchâ nata khopa eima hneina kyh liata eima châna a palâsa tahpa pahno ngyu ma pi.
Kheita nâ zia/mô tyh? Vaw reih la, he chhopasiana he nâ pyhnazie a châ ma?
Palôhrupa achupazy nata he hawh lâchhâhta achupasiana (psychological studies and research), chyhsa 1000 zy liata Professor Chris Idzikowski, director, Service of Evaluation and Advice of the Dream, United Kingdom ta âchupasiana tawhta a hmo hmôpapuapa he vaw reih hra tua.
1. Fetal position:
He hawhpa a ziana dâh/a môna dâh he hluh chai ta, apachaihpa ta chanôzy he heta amâ zia thai kaw. He hawhta a zia tyhpazy he cha chyhsa chhyu hmi kawpa, a hmeiseihpa liata deikua palôh nainyu kaw tlôhpa ama châ khoh kaw. Chyhsa khopa tlyma, hmiathiehpa tlyma amâ tyh châhta, noza pasôh hmi kawpa lyu ta, amâ vaw pazi parei via na ta deikua paphasa kaw tlôhpa ama châ.
2. The trunk position:
Chyhsa hryhri liata y paphasa kawpa, khôtho tlaichhaipa nata viasa tlaichhai kawpa châ chi ta. Na hmia pahno beih leipazy chhao thlaita na ngâ (trust) thlâh ha tyh.
3. Long-term position:
 sia lâta a zia chi ta, na bâh sâno ta na hmia lâ sohna chôta nâ mô tyh khiahta cha, na châna dâh hawh sikhua ta alâpapua tyhpa chyhsa na châ tahna a châ.
4. "Soldier" position:
He hawhta â zia tyhpazy he cha zie zyh kawpa, â kari kawpa ama châ khoh kaw. He hawhta a châ nona deikua ta, ama kho a pahâh kaw.
5. Starfish position:
He hawhta a zia tyhpa na châ khiahta la, mohropazy châta viasa pha kawpa châ achhuahpa, mohropazy rairuna nahthlie thai kawpa na châ tahna a châ. Chyhsa zydua hlâta moh la viapa châ awpa deikua tlaichhai va chi.
6.Face down:
He hawhta a mô tyhpa na châ khiahta cha, khôtho tlaichhai kawpa, hmo panaopasiasa kawpa na châ tahna a châ. Rairuna hmeiseihpa liata chyhsa chhyupa châ chi ta, mohropazy ta ama cha seisiapa achhyhthai leipa chi ta, buana tah thei hra va chi.
