Chanô chhyupa Zhang Junli : Pasana vâta kô 32 chhôh thyu thei khao vei!
Kô 32 chhôh thyu thei leipa ta y hrasala a kuzôthaina deikua a chalihkhei vei
Chyhsa hluhpizy pi ta cha nohkha chhao hro riethei â chhihzie nata raihria eima ai zie reih leipa ta eima pakhôsa thei lei nota, Zhang Junli zy hawhpa chanô chhyupa eima hmô châh heta cha, eima nôpo pachârôhna zy cha a pai ha heih tyh.
Junli, chanô chhyu kawpa he China liatapa châ ta, ru pasana (rheumatoid arthritis) vâta kô 32 chhôh po thyu thei leipa ta pasana rakhô liata a zia thlâh hapa a châ!
Anodeikua, he a pasana heta he chanô kô 40-ta uhtheipa he a kuzôthaina a chalihkhei awpa ta deikua taola thei leipa ta, a nohthlah ropa a ngia kawpazy cha pasana hneipa ta, a piepâ thei hra vei sala, a roh pazao lymâ.
Junli he kô 8 a châ nota a pasana vâta, a pôhpa liata a rukhi a pazaona zakha liata 90 ta raihria thei khao leipa ta, anodeikua sasyh a ngiachhiepa ta a hrozô pakhô a chhuah vei.
A pasana heta tlao pasyupa ta, chyhsa tlâh pha thlâh hapazy chhaota ama hrochhôhta ama tao thei lei awpa nohthlah a ngia chaipazy a roh pazao lymâ!
'Khizaw he â ngia tu ha. Ei hnatlâna pha hra vei sala, hroh awpa ta daihti ryhpaohpa ei hneipa he pahlei pasaih vana,' tahpa Zhang Junli heta hnabeidyna ta a pahnielei zie a rei.
Junli heta nohthlah 300 hlei roh ha ta, Online shop 'Lily's Easel' tahpa a hnei hra!
'Nohthlah ei ro tyhpa heta eina panano khai ha,' Zhang chata tahpa ta, 'Nohthlah rona brush ei chahu tua chaina noh tawh khata ei tao awpa tlai a châ tahpa ei pahnopâ ha. Nohthlah roh awpa ta hrohpa ei châpa ta ei pahno' a ta.
Junli hro tawhna heta chhyuna nata achhuahna hmeiseihpa peimawhzie â lâpasia kaw. Na hrozô lâthlôh liata reipasipasuana na hnei chyh via khiahta la, na hro kha a phasa via tlai aw.
