USA : Chin chanô thyudyupa kô 16-ta uhtheipa ri a huapa a châ
(KocoNews) : Zâhnia Pachyhnoh ta Lake Overholser, Oklahoma City, Oklahoma, USA liata chanô thyudyu kô 16-pa ri ama hmôpa cha, Chin chanô thyudyupa, Oklahoma City liata ama tlua haipa, Su Hliang a châ tahpa pahnopa a châ, tahpa KOCONEWS ta a palâsa.
Oklahoma City Fire department ta ama reina dâhta, Su Hliang ri he Lake Overholser tipa-opa (dam), tipo chho lâ daih liata ama hmô. Raihriatuhpazy ta a ri he ti liana heta hmô ei ta. Police zy chata ri ama hmôpa he, Pakhynoh tawhta a yna chybia pahno khao leipa, Su Hliang tlai a châ, ama ta.
Police zy chata Su Hliang ri ama hmôpa chôchâh cha thlai a chhôhkhazy chhao pahnosapa ama châ tahpa reih ei ta. A ri he mohpasiapa châ tua aw ta, a thina dãh/chhâpa chhao pahno theipa a châ na ta hnabeiseihpa a châ.
He Su Hliang thina he Police zy ta amâ laichadai hai.
Su Hliang Hriaheihzâ tawhna khata O a di khao leipa ta, Oklahoma City Police Department zy chhaota zawpi lâ pahnosana papuapa ta, Su Hliang he ama vaw tlua lymâ hrapa a châ.
Police zy chata Su Hliang he siku miakha, Northwest Classen High School liata daihti amâ hmâ khai tawhta a viasanah O liata ama hmôpa cha, a tlâhbohpa ta ama hmôna hnôh chaipa a châ. He hawhta a yna chybia pahno khao leipa ta ama tlua hai nota, zâhnia Pachyhnoh khata Lake Overholser, Oklahoma City liata a ri ama hmô hapa a châ. Ngiachhie â chhih ngaita tlai na.
Source - https://www.koco.com/article/authorities-investigate-body-found-in-lake-overholser/29441644
Oklahoma City Fire department ta ama reina dâhta, Su Hliang ri he Lake Overholser tipa-opa (dam), tipo chho lâ daih liata ama hmô. Raihriatuhpazy ta a ri he ti liana heta hmô ei ta. Police zy chata ri ama hmôpa he, Pakhynoh tawhta a yna chybia pahno khao leipa, Su Hliang tlai a châ, ama ta.
Police zy chata Su Hliang ri ama hmôpa chôchâh cha thlai a chhôhkhazy chhao pahnosapa ama châ tahpa reih ei ta. A ri he mohpasiapa châ tua aw ta, a thina dãh/chhâpa chhao pahno theipa a châ na ta hnabeiseihpa a châ.
He Su Hliang thina he Police zy ta amâ laichadai hai.
Su Hliang Hriaheihzâ tawhna khata O a di khao leipa ta, Oklahoma City Police Department zy chhaota zawpi lâ pahnosana papuapa ta, Su Hliang he ama vaw tlua lymâ hrapa a châ.
Police zy chata Su Hliang he siku miakha, Northwest Classen High School liata daihti amâ hmâ khai tawhta a viasanah O liata ama hmôpa cha, a tlâhbohpa ta ama hmôna hnôh chaipa a châ. He hawhta a yna chybia pahno khao leipa ta ama tlua hai nota, zâhnia Pachyhnoh khata Lake Overholser, Oklahoma City liata a ri ama hmô hapa a châ. Ngiachhie â chhih ngaita tlai na.
Source - https://www.koco.com/article/authorities-investigate-body-found-in-lake-overholser/29441644
No comments