"THYU ULA MARASAW..."
By Eunice Ngôphazi Azyu
(Edited by Robert B.Syuhlô)
"Thyu ula Marasaw,
Hmialâ pangai suh vy,
Daihti pha eima hnei chhôh heta;
Rietheina hluh hrasa tiama ta tao ei suh,
Eima râh hmahsiena châta"
"Atahmâ he thaina sona ti pasohpa cha a loh hai, Cha su cha pangai sih,
Rietheina hluh hrasa,
Sona ti pasoh doh aw pi"
Marapa hla hluhpi hry liata hla pha chaipa tah leithei vana!
Ei padoleina su chhao a y aw, a phituhpa nata a chhôhkhanah zy nata avaw reihtupazy ta rie na pachâthai ula.
Atazâ la ei palôh liata a lai kaw cha maw! roh leipa ta y thei tlô na vâ!
Kô hluhpi a khô ha chiehpa liana khata he hla a phituhpa heta achuna kyh liata Marasawnah zy pi a hra papua ta, tiama papua ta riethei rairuna tao lyliana chôta hmialâ pangai ta, eimâ dua papua thei n'awpa ta hmiasai (vision) a hnei pha kawpa ta ei pahno. Hmiasai (Vision) dei châ leipa ta achuna liata hnôh a sypa eima châ leina awpa nata khizaw pahnopa eima châ theina awpa ta palôhru hmeiseihpa ta maniah a saihei kawpa ta ei pahno hra.
Eima nôpawnah nata eima uhta viapazy ta rietheina nata rairuna hluhpi siepahliepa ta atahmâ ta ama duasu he tlôpa ta keimo ama sawnah - thyutlianah zy pi heta a pawti pazypa ta riethei tu leipa ta achuna lâthlôh liata eima sie thei hrapa ta ei pahno.
Eima nawhta pachhuah heih penawh, he hla a thei khao beih leipa nata a bie pachâpazi hoh khao leipa hluhpi y hra aw ei ta, chhoreituhpa tlyma lâthlôh phapa chhotupa a hnei leipa tlyma a thathi hrahropazy he ama leidia pathlei aw tahpa chi â chhih kaw!
Sawhkhâ phana ta hawtipa achuhaipazy tovyuh awpa nata pabohsa n'awpa ta dâh nata phôh a taopazy heta eima palôh pamaohsa khai ha ta, rairuna chatôh papua awpa khoh khao ma pi. Eima chi heihpa, Marapa paw ta palôhru hmeiseihpa ta rietheina nata rairuna hry liata tiama papua awpa ta hla hmâpa ta miah apasyuna he mohnao pathlei ta, eima uasa vei khiahta la, khâpa râh rônahpa hmahta tlô aw ma pi.
Eima thyutlianah/hawtinah daihti, châ eimâ chu theina daihti he hluh leipa ta, achuna su liata eima yna daihti nata nohzy he "Thaina nata sona ti a loh ngâhaina su" hawhta pachâ ei sihla, achuna su - School nata college eima pangai tyhpa he "Thaina nata sona ti a lona su pangaipa" hawhta a pachâ ei sihla, hlaotlohna ta miah â chadaipazi cheingei aw.
(Edited by Robert B.Syuhlô)
Hmialâ pangai suh vy,
Daihti pha eima hnei chhôh heta;
Rietheina hluh hrasa tiama ta tao ei suh,
Eima râh hmahsiena châta"
"Atahmâ he thaina sona ti pasohpa cha a loh hai, Cha su cha pangai sih,
Rietheina hluh hrasa,
Sona ti pasoh doh aw pi"
Marapa hla hluhpi hry liata hla pha chaipa tah leithei vana!
Ei padoleina su chhao a y aw, a phituhpa nata a chhôhkhanah zy nata avaw reihtupazy ta rie na pachâthai ula.
Atazâ la ei palôh liata a lai kaw cha maw! roh leipa ta y thei tlô na vâ!
Kô hluhpi a khô ha chiehpa liana khata he hla a phituhpa heta achuna kyh liata Marasawnah zy pi a hra papua ta, tiama papua ta riethei rairuna tao lyliana chôta hmialâ pangai ta, eimâ dua papua thei n'awpa ta hmiasai (vision) a hnei pha kawpa ta ei pahno. Hmiasai (Vision) dei châ leipa ta achuna liata hnôh a sypa eima châ leina awpa nata khizaw pahnopa eima châ theina awpa ta palôhru hmeiseihpa ta maniah a saihei kawpa ta ei pahno hra.
Eima nôpawnah nata eima uhta viapazy ta rietheina nata rairuna hluhpi siepahliepa ta atahmâ ta ama duasu he tlôpa ta keimo ama sawnah - thyutlianah zy pi heta a pawti pazypa ta riethei tu leipa ta achuna lâthlôh liata eima sie thei hrapa ta ei pahno.
Eima nawhta pachhuah heih penawh, he hla a thei khao beih leipa nata a bie pachâpazi hoh khao leipa hluhpi y hra aw ei ta, chhoreituhpa tlyma lâthlôh phapa chhotupa a hnei leipa tlyma a thathi hrahropazy he ama leidia pathlei aw tahpa chi â chhih kaw!
Sawhkhâ phana ta hawtipa achuhaipazy tovyuh awpa nata pabohsa n'awpa ta dâh nata phôh a taopazy heta eima palôh pamaohsa khai ha ta, rairuna chatôh papua awpa khoh khao ma pi. Eima chi heihpa, Marapa paw ta palôhru hmeiseihpa ta rietheina nata rairuna hry liata tiama papua awpa ta hla hmâpa ta miah apasyuna he mohnao pathlei ta, eima uasa vei khiahta la, khâpa râh rônahpa hmahta tlô aw ma pi.
Eima thyutlianah/hawtinah daihti, châ eimâ chu theina daihti he hluh leipa ta, achuna su liata eima yna daihti nata nohzy he "Thaina nata sona ti a loh ngâhaina su" hawhta pachâ ei sihla, achuna su - School nata college eima pangai tyhpa he "Thaina nata sona ti a lona su pangaipa" hawhta a pachâ ei sihla, hlaotlohna ta miah â chadaipazi cheingei aw.
