London liata Rev RA Lorrain laiseihna vaih liata - Dr.Sasa
6 June 2018, London liata a ypa Penge vaih awnano zy nahta apakyhna eima hnei. Thlahchhâna daihti sôh ngaita kawpa zy eima hmâ.
London khihpi liata vaih miakha a châpa, Penge vaih he Lakher Pioneer Mission Missionary R.A. Lorrain vaw laiseihna vaih nata bâti âvaw châna vaih a châ.
Penge Congregational Church he eima missionary RA Lorrain bâti a châna local church châta cha sister church vaw châ ta; he vaih lia tlaita kei tloh lei chaipa ta thâtihpha biereipa a vaw châ thlâhpa he KHAZOPA phana vâ deita a châ.
RA Lorrain nata chhôhkha zy vaw laiseihna vaih, London local churche zy he RA Lorrain Mission field yna Maraland Local Churche zy nahta azaona a vaw y awpa zy he angiahtiapa châ vei. he chôchâh chhao he athata reih pi ta, thlahchhâna eima hnei hra.
Chyhsapa ta pachâpady tyh pi ta, Khazohpa deikua hlao miah patlohtuhpa a châ. KHAZOHPA phana, KHAZOHPA hmo pachhuahpanohna he chyhsa sona ta avaw pha thei vei.
Kheitazie ta ma LA Lorrain laiseihna London liata vaih zy lâ heta vaw tlô laipa châ na ta, thlahchhâna zy miah hneipa ei ta, byhná miah awpa ei ta, thâtihpha bie zy miah ama vaw pareisa tahpa he pachâ na ta, KHAZOHPA phatuna vâ deita nata ngiachhiena vâ deita ta tlao avaw châpa ei pahnopasia.
Zâpati zy tao ei ta, miah dy ei ta, programme pha kawpa zy tao ei ta, he programme zy eimá vaw hmâh châh heta RA Lorrain cha avá tawhta miah vaw sai thlâh ha aw ta, tahpa zy vaw pachâ na ta, ei mothlaw liata Rev. RA Lorrain nata chhôhkha zy amâ vaw lã tyh. Hy KHAZOHPA na phazie he kheita e eima rei khao aw??
HALLELUIA!
