Ballon d'Or' 2019 - Cristiano Ronaldo chhaopa ta Lionel Messi ta a ei 6-na châta a dao ha heih
Barcelona forward Lionel Messi chata 'Football' khizaw liata 'mopakha palyupalihna asâhpa' 'Ballon d'Or' a ei charuna châta a dao ha heih.
He hawhta a châ nona heta, kô 32-ta uhtheipa Argentine Footballer heta Ballon d'Or he kô 2015 rakha tawhta a dao heih theina eikhana a châ.
Lionel Messi heta kô 2018-19 Season liana khata a Club nata râh châta goal 54 khô ta, Barca kha La Liga nyunngiapa a chalokheipa kha a châ.
Liverpool nata Netherlands defender phapa, Virgil van Dijk cha Messi pazipa ta sânona châ ta - atakô Ballon d'Or dao thei awpa ta moh chaluahpa hry liata Top 7 liana heta Liverpool player 4 po ama y.
Media chyhsazy ta Lionel Messi nahta khã ama khopathliah tyhpa, Juventus nata Portugal forward Cristiano Ronaldo, he palyupalihna ei 5 tlai a vaw chalo hatuhpa cha 3-na liata a y.
Chanô lâta palyupalihna dao awpa ta pangiasa chaipa pakha, England defender Lucy Bronze cha Megan Rapinoe ta chhaopa ta; Rapinoe heta chanô lâta Football Player pha chaipa palyupalihna â dikhei. Megan Rapinoe he kô 2019 Chanô World Cup liata 'Golden Ball' daotuhoa châ ta. He chanô World Cup, 2019 liana heta USA he ama 'Champion'-pâ hra.
Liverpool kaovaihtuhpa, Alisson chata a eikha n'awpa ta palyupalihna ama rai papuapa, 'Yashin Trophy for best goalkeeper' dao ta, Barcelona nata Germany kaovaihtuhpa Marc-Andre ter Stegen nata Brazilian pyly, Manchester City kaovaihtuhpa, Ederson zy cha sânona nata sâthôhna ama châ.
Defender Matthijs de Ligt cha kô 21 ry Player zy châta palyupalihna, 'Kopa Trophy' hlâpa châ ta. He palyupalihna he Ballon d'Or palyupalihna a vaw dao hapazy ta amâ tlyhpa a châ.
Kô 20-ta uhtheipa, Mathijjs de Ligt, Juventus defender heta Borussia Dortmund nata England forward thyudyupa, Jadon Sancho a chhao ha tahna a châ.
Messi ta 'Ballon d'Or' palyupalihna a dao heihpa heta, he palyupalihna kô 11 chhôh cha La Liga player zy ta ama dao ha tahna châ ta. A daotuhpa hry liana heta Luka Modric khata kô 10-chhôh he palyupalihna, Messi-Ronaldo ta amâ dao pari ngâthlâh hapa kha a vaw phie hapa a châ.
A ei 6-na châta Ballon d'Or palyupalihna a sâhpa a daotuhpa Argentine forward Lionel Messi heta Barcelona châta khaih 700 â khaihna atliata khata a khaih ta; Barca châta khaih 700 â khaih chhôh heta ataopasuana nano nanopa liata Goal 614 khôpa ta, Nyungiapa 34 chalo ta, he hry liana heta La liga nyungiapa 10 nata Champions League nyungiapa 4 a chalo hleikhôta, mopakha palyupalihna nata 'record' nano nanopa a tao hra.
Lionel Messi ta Nyungiapa (Major Trophy) a vaw chalopazy :
La Liga (10) - 2004-05, 2005-06, 2008-09, 2009-10, 2010-11, 2012-13, 2014-15,2015-16, 2017-18, 2018-19
Copa del Rey (6) - 2008-09, 2011-12, 2014-15, 2015-16, 2016-17, 2017-18
Champions League (4) - 2005-06, 2008-09, 2010-11, 2014-15
Ballon d'Or (6) 2009, 2010, 2011, 2012, 2015, 2019
He hawhta a châ nona heta, kô 32-ta uhtheipa Argentine Footballer heta Ballon d'Or he kô 2015 rakha tawhta a dao heih theina eikhana a châ.
Lionel Messi heta kô 2018-19 Season liana khata a Club nata râh châta goal 54 khô ta, Barca kha La Liga nyunngiapa a chalokheipa kha a châ.
Liverpool nata Netherlands defender phapa, Virgil van Dijk cha Messi pazipa ta sânona châ ta - atakô Ballon d'Or dao thei awpa ta moh chaluahpa hry liata Top 7 liana heta Liverpool player 4 po ama y.
Media chyhsazy ta Lionel Messi nahta khã ama khopathliah tyhpa, Juventus nata Portugal forward Cristiano Ronaldo, he palyupalihna ei 5 tlai a vaw chalo hatuhpa cha 3-na liata a y.
Chanô lâta palyupalihna dao awpa ta pangiasa chaipa pakha, England defender Lucy Bronze cha Megan Rapinoe ta chhaopa ta; Rapinoe heta chanô lâta Football Player pha chaipa palyupalihna â dikhei. Megan Rapinoe he kô 2019 Chanô World Cup liata 'Golden Ball' daotuhoa châ ta. He chanô World Cup, 2019 liana heta USA he ama 'Champion'-pâ hra.
Liverpool kaovaihtuhpa, Alisson chata a eikha n'awpa ta palyupalihna ama rai papuapa, 'Yashin Trophy for best goalkeeper' dao ta, Barcelona nata Germany kaovaihtuhpa Marc-Andre ter Stegen nata Brazilian pyly, Manchester City kaovaihtuhpa, Ederson zy cha sânona nata sâthôhna ama châ.
Defender Matthijs de Ligt cha kô 21 ry Player zy châta palyupalihna, 'Kopa Trophy' hlâpa châ ta. He palyupalihna he Ballon d'Or palyupalihna a vaw dao hapazy ta amâ tlyhpa a châ.
Kô 20-ta uhtheipa, Mathijjs de Ligt, Juventus defender heta Borussia Dortmund nata England forward thyudyupa, Jadon Sancho a chhao ha tahna a châ.
Messi ta 'Ballon d'Or' palyupalihna a dao heihpa heta, he palyupalihna kô 11 chhôh cha La Liga player zy ta ama dao ha tahna châ ta. A daotuhpa hry liana heta Luka Modric khata kô 10-chhôh he palyupalihna, Messi-Ronaldo ta amâ dao pari ngâthlâh hapa kha a vaw phie hapa a châ.
A ei 6-na châta Ballon d'Or palyupalihna a sâhpa a daotuhpa Argentine forward Lionel Messi heta Barcelona châta khaih 700 â khaihna atliata khata a khaih ta; Barca châta khaih 700 â khaih chhôh heta ataopasuana nano nanopa liata Goal 614 khôpa ta, Nyungiapa 34 chalo ta, he hry liana heta La liga nyungiapa 10 nata Champions League nyungiapa 4 a chalo hleikhôta, mopakha palyupalihna nata 'record' nano nanopa a tao hra.
Lionel Messi ta Nyungiapa (Major Trophy) a vaw chalopazy :
La Liga (10) - 2004-05, 2005-06, 2008-09, 2009-10, 2010-11, 2012-13, 2014-15,2015-16, 2017-18, 2018-19
Copa del Rey (6) - 2008-09, 2011-12, 2014-15, 2015-16, 2016-17, 2017-18
Champions League (4) - 2005-06, 2008-09, 2010-11, 2014-15
Ballon d'Or (6) 2009, 2010, 2011, 2012, 2015, 2019
No comments