Article : AWNANOPA HQ CHHITUHPA ATLYHZIE - Rev Dr Laiu Fachhai

1. Khizaw Awnanopa hluhpi ta cha ama ngâ ama ngâpazy pathôh tawhta papangawh taih a tlyh ei ta, Search Committee ama padua. Âmo heta kô kha tawhta kô no chhôh tlai rai hria ei ta, thata a chu ei ta, ama Awnanopa chhituhpa châta pha chai awpa ama pachâpazy moh cha Executive Committee liata pangia ei ta, Executive Committee ta â py khiata cha, Assembly lâ ama tlôkhei.

2. Awnanopa thokha deikua cha Executive Committee liata a tlyh ei ta, â khophie hlâta hluhvia vaw a hmôpa cha a tlohpa ta ama phuah.

3. Awnanopa thokha heih cha, Assembly liata a tlyh ei ta, â khophie hlâta hluhvia vaw a hmôpa cha a tlohpa ta ama phuah.

He atlyzie chi thôhpazy heta phana nata pha leina ama hnei rairie thei.

Chhituhpa châta a tly awpa tlohna (qualifications) ama mo viapazy cha a tlâhpipa ta hezy he a châ:

1. Sôh kyh liata ngâ â chhih ma? Awnanopa sôh a chado thai ma? Awnanopa sôh mohôhzie a thai ma?

2. Palôh phapa nata pathaihpa a phaohpa a châ ma? Khokhei eihpa hnei leipa ta, â tlâhkha kawpa ta Awnanopa a siekhei thei awpa a châ ma?

3. A hro a pathaih ma? Kyh toti liata sahlaozy a mopâ tlâhpa ta a y ma?

4. A hriapasa ma? A raihria liata ngâ â chhih ma? A maohphaona a patlô ma?

5. Â pasaih ma? Awnanopa châta ano â paky ngâh ma?

6. Pachu theipa nata a chu theipa a châ ma?

7. Awnanopa châta hmiasai (vision) thiehpa nata phapazy a hnei ma?

8. Chhituh hropazy a hrialâh thaipa a châ ma?

9. A byuhna liata cha riahpha kawpa ta biepathluna a tao ngâhpa a châ ma?

10. Khazohpa a pahnopa nata a chipa a châ ma?