CHINA : Covid-19 pasana vâta a thipa zie ta maluh 1600 a khô ha
Beijing, China: China liata cha CoronaVirus, Covid-19 vâta hrona a pahleipa zie cha maluh 1,600 tloh ha ei ta, Asia rãhhlypi khôtho lâta he pasana vâta chyhsa pakha a thipa chata he pasana vâta chihuna athata a papôh via ha heih.
China liata he pasana a hneipa zie cha maluh 68,000 hlâta hluh via ha bâ ei ta. Zâkô Di thlâpâ liata China râh, Hubei bia tawhta pasana a vaw hiezawhpa, Covid-19 pasana heta hrona a la via lymâ awpa a lyu kaw.
He pasana ama khâsiana kyh liata seisia ama hlaona hryta, Chinese President Xi Jinping chata zawpi maluh aboh via n'awpa pachâpa ta akohkina pha viapa siekhei awpa ta hmahla â ngiah tahpa reih papua ta, sawhkhâ chata ama khihpi Beijing lâta a vaw liepa maih zy cha he pasana kyh liata a pahnopasiana a y thei n'awpa ta noh 14 chhôh â kohki awpa ta pahnosana a tao hra.
Atahmâ duasu liata China khôtholâ râh zy liata Philippines, Hong Kong, nata Japan liata zy he pasana vâta a thipa y ha ei ta, zâhnia Pachyhnoh khata France liata pakha a thi heih hra.
Abeipanohta Hubei liata he pasana vâta chyhsa 139 ama thi chhi heih tawhta, China liata Covid-19 vâta a thipa zydua cha atahmã duasu liata chyhsa 1,662 ama tloh ha.
He pasana vâna heta rãh nano nanopazy ta China a heisai pathao ha ei ta; ama zawtheinazy chhao China lâ a zaw lei awpa ta ama chalihsa chy hra.
China khôtho lâta he pasana a hneipa y hluh chaina su cha Japan kiah liata apalypa-uasana balyh laipa chà ta, he balyh liana heta he pasana a hneipa maluh 285 ama y hai.
China liata he pasana a hneipa zie cha maluh 68,000 hlâta hluh via ha bâ ei ta. Zâkô Di thlâpâ liata China râh, Hubei bia tawhta pasana a vaw hiezawhpa, Covid-19 pasana heta hrona a la via lymâ awpa a lyu kaw.
He pasana ama khâsiana kyh liata seisia ama hlaona hryta, Chinese President Xi Jinping chata zawpi maluh aboh via n'awpa pachâpa ta akohkina pha viapa siekhei awpa ta hmahla â ngiah tahpa reih papua ta, sawhkhâ chata ama khihpi Beijing lâta a vaw liepa maih zy cha he pasana kyh liata a pahnopasiana a y thei n'awpa ta noh 14 chhôh â kohki awpa ta pahnosana a tao hra.
Atahmâ duasu liata China khôtholâ râh zy liata Philippines, Hong Kong, nata Japan liata zy he pasana vâta a thipa y ha ei ta, zâhnia Pachyhnoh khata France liata pakha a thi heih hra.
Abeipanohta Hubei liata he pasana vâta chyhsa 139 ama thi chhi heih tawhta, China liata Covid-19 vâta a thipa zydua cha atahmã duasu liata chyhsa 1,662 ama tloh ha.
He pasana vâna heta rãh nano nanopazy ta China a heisai pathao ha ei ta; ama zawtheinazy chhao China lâ a zaw lei awpa ta ama chalihsa chy hra.
China khôtho lâta he pasana a hneipa y hluh chaina su cha Japan kiah liata apalypa-uasana balyh laipa chà ta, he balyh liana heta he pasana a hneipa maluh 285 ama y hai.
No comments