Ama mo ama padei chhôh cheingei ta CCI (M) & ECM Apôhkha bâ awpa ta Pihnô Vaili-nah nôvahta amâ haw

Mara Missionary hryta maniah hrolâhpa, Rev.RA Lorrain samohpa, Pihnô Vaili nata a vahpa, Rev.L.Mark zy chata, Moderator, ECM Assembly, Siaha nata, Chairman, CCI (M) Assembly zy hnohta châ paphaopa ta, Mara Awnanopa miano, kô 30 tlai achhaih hapa cha, ama hro noh chhôh cheingei ta apôhkha awpa 'Khazohpa mohta' amâ haw.

"Marapa Awnanopa (ECM & CCIM) Achhaihna heta athata eima râh parao ta, athata hnôh chhao eimâ sy hra" tahpa ta, Pihnô Vaili nata Rev.L.Mark zy chata, "Keimo nôvah chhao eima kô zy vaw uhthei ha ta, sapa chiehleina zy chhao eima vaw hnei pathao lymâ ha hra. Chavâta eima nôvah ta eima hro noh daihti a chhâ hlâta namâ vaw pôhkha cheingei awpa eima Khazohpa moh eimâ châ haw hmeiseihpa a châ" tahpa ta châ liana heta ama ro.