Mizoram : Covid-19 pasana a hneipa chyhsa 1 hmôpapua - Mizoram â hrohrua via lymã
Mizoram liata atahmâhlâ ta khizaw pabuatuhpa pasana, Covid-19 pasana a hneipa pakha hmôpapuapa a y tahpa Mizoram Health Minister Dr R Lalthangliana chata Pakhynoh (March 25) khata thâtihthiehpa phuahtuhpazy hmiakô liata a phuah. He Covid-19 pasana a hneipa he Zoram Medical College, Falkawn liata ano-eihta sopâ hapa a châ.
Sawhkhâ chyhsa ta Mizoram thâtihbu alâluahpa, Vanglaini hnohta ama chhona dâh liata, he Mizoram liata Covid-19 a hneipa he Netherlands tawhta March 16, 2020 khata vaw tlô ta, March 24 khata Covid-19 a hnei tahpa pasiapa a châ.
Health Minister reina dâhta Covid-19 he Mizoram liata a kiahpa a châpa ta â lâ leipa ta, foreign tawhta vaw tlôpa châ ta. Ano he athaisopa, Pastor châ ta, mohropazy pakiana kyh liata asohsi thei awpa ta pachâpa a châpa vâta zawpi atymâ lei awpa ta ahawpa ama châ.
Tlâhleipa chhôhkhazy chhao asohsina nata avaihna kyh vâta ZMC lâ mohôh awpa ta ama la khai ha hra, tahpa Vanglaini chata a palâsa.
Mizoram liata Covid-19 pasana a hneipa mohôhna kyh liata he hawhna heta Dr Eric Zomawia chata Thâtihbu chyhsazy â pakyhna liata a rei:
"Amsterdam liata a y no tawhta bie miah a vaw chho ha ta, Ministry of Health & Family Welfare ta 'quarantine guideline' a taopa paphao na ta, he he a zyhpâ lymâ ha. March 16-khata Delhi tawhta Guwahati, he noh pyly heta Guwahati tawhta Lengpui liata vaw tla ta. March 20-liata Health department bie a vaw chho ta, dawhty zy ta ama mei tly no chhaota anosasyh â baw quarantine pha kaw. Atahmâno cha a duasu a pha kaw chy. Zawtheina liata a kialãhpa zydua chhao tlua papuapa ama châ khai hra aw, " - Dr Eric Zomawia, Director, National Health Mission.
He hawhta a châ nona heta, he Mizoram liata Covid-19 pasana a hneipa ama hmôpapuapa ta zawtheina a vaw kiana liata a kiah hrapa hryta, Siaha chyhsa 4 amâ hlao hrapa ta pahnopa châ ta; henahzy he Health Department lâ amâ pahnosa hapa ta pahnopa a châ. He hawhta a chã nota, Siaha ama vaw tlô tawhta âmo sasyh amâ _quarantine (khawhlôh)_ tahpa deikua pahnopa châ vei.
Sawhkhâ chyhsa ta Mizoram thâtihbu alâluahpa, Vanglaini hnohta ama chhona dâh liata, he Mizoram liata Covid-19 a hneipa he Netherlands tawhta March 16, 2020 khata vaw tlô ta, March 24 khata Covid-19 a hnei tahpa pasiapa a châ.
Health Minister reina dâhta Covid-19 he Mizoram liata a kiahpa a châpa ta â lâ leipa ta, foreign tawhta vaw tlôpa châ ta. Ano he athaisopa, Pastor châ ta, mohropazy pakiana kyh liata asohsi thei awpa ta pachâpa a châpa vâta zawpi atymâ lei awpa ta ahawpa ama châ.
Tlâhleipa chhôhkhazy chhao asohsina nata avaihna kyh vâta ZMC lâ mohôh awpa ta ama la khai ha hra, tahpa Vanglaini chata a palâsa.
Mizoram liata Covid-19 pasana a hneipa mohôhna kyh liata he hawhna heta Dr Eric Zomawia chata Thâtihbu chyhsazy â pakyhna liata a rei:
"Amsterdam liata a y no tawhta bie miah a vaw chho ha ta, Ministry of Health & Family Welfare ta 'quarantine guideline' a taopa paphao na ta, he he a zyhpâ lymâ ha. March 16-khata Delhi tawhta Guwahati, he noh pyly heta Guwahati tawhta Lengpui liata vaw tla ta. March 20-liata Health department bie a vaw chho ta, dawhty zy ta ama mei tly no chhaota anosasyh â baw quarantine pha kaw. Atahmâno cha a duasu a pha kaw chy. Zawtheina liata a kialãhpa zydua chhao tlua papuapa ama châ khai hra aw, " - Dr Eric Zomawia, Director, National Health Mission.
He hawhta a châ nona heta, he Mizoram liata Covid-19 pasana a hneipa ama hmôpapuapa ta zawtheina a vaw kiana liata a kiah hrapa hryta, Siaha chyhsa 4 amâ hlao hrapa ta pahnopa châ ta; henahzy he Health Department lâ amâ pahnosa hapa ta pahnopa a châ. He hawhta a chã nota, Siaha ama vaw tlô tawhta âmo sasyh amâ _quarantine (khawhlôh)_ tahpa deikua pahnopa châ vei.
No comments