COVID-19 : Khizaw pôhpalôhpa liata chyhsa 150,000 hlei ama thi ha!
Paris, France: AFP chata atahmâ nota khizaw liata Potlana (Pandemic) Covid-19 hri charei haipa vâta atahmâ taihta hrona a pahleipa zie cha thysy 1 nata thy pangawh (150,000) hlei ama tloh ha, tahpa ama palâsa. Chutyhnoh taihna khata khizaw pôhpalôhpa liata chyhsa 150,142 thi ha ei ta, he a thipa su thôh pachhaih ta su no 96,721 zy cha Europe liatapazy ama châ, tahpa AFP a palâsa hra.
United States cha râh hryta Covid-19 vâta hrona a pahleipa ama hluh chaina châpa ta, chyhsa 34,575 ama thi ha.
Atahmâ duasu liata khizaw râh nano nanopa 193 liata he hri he hmô hapa châ ta; khizaw chyhsa 2,207,730 ta he pasana he ama kia ha hra, tahpa AFP chata World Health Organization (WHO) nata râh nano nanopa zy tawhta thâtih ama lapakhypa tawhta ama palâsa.
He khizaw râh pôhpalôhpa nata râh nano nanopa liata Covid-19 hri a kiahpa zie he athata hluh via thei awpa duasu liata a duah ta; achhâpa cha râh thokha ta Covid-19 mohpasiana (Test) ama siekhei chyh tu ha chypa vâta a châ.
Atahmâ duasu liata khizaw liata Covid-19 hri a kiahpa maluh 483,000 cha patlâh hapa ama châ hra.
US, pazipa ta Covid-19 hri vâta hrona a pahleipa hluh chaina râh cha Italy châ ta, chyhsa 22,745 thi ei ta; sâthôhna liata Spain ypa ta, chyhsa 19,478 thi ei ta. Sâpalihna liata France ypa ta chyhsa 18,681 ama thi ha hra.
United States cha râh hryta Covid-19 vâta hrona a pahleipa ama hluh chaina châpa ta, chyhsa 34,575 ama thi ha.
Atahmâ duasu liata khizaw râh nano nanopa 193 liata he hri he hmô hapa châ ta; khizaw chyhsa 2,207,730 ta he pasana he ama kia ha hra, tahpa AFP chata World Health Organization (WHO) nata râh nano nanopa zy tawhta thâtih ama lapakhypa tawhta ama palâsa.
He khizaw râh pôhpalôhpa nata râh nano nanopa liata Covid-19 hri a kiahpa zie he athata hluh via thei awpa duasu liata a duah ta; achhâpa cha râh thokha ta Covid-19 mohpasiana (Test) ama siekhei chyh tu ha chypa vâta a châ.
Atahmâ duasu liata khizaw liata Covid-19 hri a kiahpa maluh 483,000 cha patlâh hapa ama châ hra.
US, pazipa ta Covid-19 hri vâta hrona a pahleipa hluh chaina râh cha Italy châ ta, chyhsa 22,745 thi ei ta; sâthôhna liata Spain ypa ta, chyhsa 19,478 thi ei ta. Sâpalihna liata France ypa ta chyhsa 18,681 ama thi ha hra.
No comments