Kim Jong-un : North Korea râhluhpa Kim Jong-un ta thâtih thiehpa a hnei!
Seoul: North Korea râhluhpa Kim Jong-un cha *a thi ma a hroh ma?* tahpa ta khizaw ta nah ama pachôh thlâh hana hryta, Wonsan liata khitlypazy châta O a sa haipazy hnohta alynabie a reina thâtih cha atanoh Hriatuanoh khata, North Korea State ta ama palâsa.
Yonhap News Agency chata, North Korea sawhkhâ thâtihbu Rodong Sinmun ta bie ama papuapa papua pachhuahpa ta, “Supreme Leader Kim Jong-un chata Wonsan-Kalma tourist zone liata raihriatuhpazy hnohta alynabie a reih,” tahpa ama palâsa.
He thâtih pyly he Korean Central Broadcasting Station chhaota ama papua hra.
Kim he târi 15, Pachawh 2020 liata a mahpaw, Kim Il-Sung pina noh alyna, kôchareihta amâ hmâh tyhpa liata â hlao khao leipa vâta a hnatlâna kyh liata biethâh a hluh kawpa kha châ ta. Report nano nanopa zy liata *A thi daihmâ*, *A thi ha* tahpa hryta he hawhna heta thâtihthiehpa vaw hnei ha heihpa ta, a hroh thlâh ha chypa a lyu.
Report thokha ta *A thi daihmâ, a pasa paru kaw* tahpa ta ama palâsa nona khata, South Korean sawhkhâ ta deikua biethâh a do leipa a châ, vaw tahpa ta, a chô liata khâpa hmo pha leipa hmahta tlô vei, Kim Jong-un he Wonsan liata a ypa hawhta ama pahnonazie ama vaw reih hapa kha a châ.
Kim thâtih arulâ ta achutuhpa, US mohôhpa website miakha, '38 North' ta 'satellite tawhta nohthlahpa ama lapa liata' Kim Jong-un ta a hmâ tyhpa 'Special Train' chhao “Wonsan liata a pahrâna tlyhmia liata târi 21 Pachawh tawhna khata â duah thlâh ha” tahpa ta a palâsa hra.
Moon Chung-in, 'Special Security Adviser to South Korean President Moon Jae-in' ta chhao, Abeipanoh ta Fox News ta amâ pakyhna liata, Kim Jong-un cha "A duasu pha ta, a hroh thlâh ha" tahpa ta a rei tahpa Yonhap News Agency chata ama palâsa hra.
Hriatuanohta South Korea sawhkhâ ry liata Unification Ministry ta bie a papuapa liata cha, “Kim Jong-un hnatlâna kyh liata biethãh a y haipazy pasiana khâpa hmahta pahno ma pi. National Security Council ta North Korea liata thâtih thieh muaruapa tlô vei a tahpa kha eimâ duana a chã” tahpa ama palâsa.
He 'Wonsan-Kalma tourist zone' he Kim Jong-un ta ano tlaita hmahsiena raihria a mokheipa, a khâsia haipa a châ hra.
Hmypi thla liana khata Kim heta he Wonsan liata khitlypazy sydiena châta raihria haipazy hnohna heta alynabie reina vaw papua ha heih ta, he su he râh nano nanopazy ta North Korea ama hriepa vâta 'Tourism' hmâpa ta ama râh sôh duasu taopathi achhuahna hmahlana a châ hra.
Kim Jong-un he khizaw hmô theipa ta â luah hnôh chaina daihti cha Pachawh noh 11 liata North Koreal ryureituhpa sawhkhâ 'Workers’ Party' atyupahmaohna liana khata châ ta, kha atyupahmaohna kha chhihthapa ta, 'Covid-19' kyh ama reipahmaohpa kha a châ.
He khai tawhta a mahpaw pina noh atyhheihna, ei 108-na târi 15 Pachawh liata ama chhôhkha thlâ (Mausoleum) a tly khao leipa khata khizaw no pa-âh pathao ta, a hnatlâna kyh liata biethãh nano nanopa a pathlisa lymâ hapa kha a châ.
Kô 2011 rakha tawhna khata a mahpaw pina noh liana maihta ama chhôhkha thlâ he chiepadâh leipa ta a tly tyhpa kha a châ.
Yonhap News Agency chata, North Korea sawhkhâ thâtihbu Rodong Sinmun ta bie ama papuapa papua pachhuahpa ta, “Supreme Leader Kim Jong-un chata Wonsan-Kalma tourist zone liata raihriatuhpazy hnohta alynabie a reih,” tahpa ama palâsa.
He thâtih pyly he Korean Central Broadcasting Station chhaota ama papua hra.
Kim he târi 15, Pachawh 2020 liata a mahpaw, Kim Il-Sung pina noh alyna, kôchareihta amâ hmâh tyhpa liata â hlao khao leipa vâta a hnatlâna kyh liata biethâh a hluh kawpa kha châ ta. Report nano nanopa zy liata *A thi daihmâ*, *A thi ha* tahpa hryta he hawhna heta thâtihthiehpa vaw hnei ha heihpa ta, a hroh thlâh ha chypa a lyu.
Report thokha ta *A thi daihmâ, a pasa paru kaw* tahpa ta ama palâsa nona khata, South Korean sawhkhâ ta deikua biethâh a do leipa a châ, vaw tahpa ta, a chô liata khâpa hmo pha leipa hmahta tlô vei, Kim Jong-un he Wonsan liata a ypa hawhta ama pahnonazie ama vaw reih hapa kha a châ.
Kim thâtih arulâ ta achutuhpa, US mohôhpa website miakha, '38 North' ta 'satellite tawhta nohthlahpa ama lapa liata' Kim Jong-un ta a hmâ tyhpa 'Special Train' chhao “Wonsan liata a pahrâna tlyhmia liata târi 21 Pachawh tawhna khata â duah thlâh ha” tahpa ta a palâsa hra.
Moon Chung-in, 'Special Security Adviser to South Korean President Moon Jae-in' ta chhao, Abeipanoh ta Fox News ta amâ pakyhna liata, Kim Jong-un cha "A duasu pha ta, a hroh thlâh ha" tahpa ta a rei tahpa Yonhap News Agency chata ama palâsa hra.
Hriatuanohta South Korea sawhkhâ ry liata Unification Ministry ta bie a papuapa liata cha, “Kim Jong-un hnatlâna kyh liata biethãh a y haipazy pasiana khâpa hmahta pahno ma pi. National Security Council ta North Korea liata thâtih thieh muaruapa tlô vei a tahpa kha eimâ duana a chã” tahpa ama palâsa.
He 'Wonsan-Kalma tourist zone' he Kim Jong-un ta ano tlaita hmahsiena raihria a mokheipa, a khâsia haipa a châ hra.
Hmypi thla liana khata Kim heta he Wonsan liata khitlypazy sydiena châta raihria haipazy hnohna heta alynabie reina vaw papua ha heih ta, he su he râh nano nanopazy ta North Korea ama hriepa vâta 'Tourism' hmâpa ta ama râh sôh duasu taopathi achhuahna hmahlana a châ hra.
Kim Jong-un he khizaw hmô theipa ta â luah hnôh chaina daihti cha Pachawh noh 11 liata North Koreal ryureituhpa sawhkhâ 'Workers’ Party' atyupahmaohna liana khata châ ta, kha atyupahmaohna kha chhihthapa ta, 'Covid-19' kyh ama reipahmaohpa kha a châ.
He khai tawhta a mahpaw pina noh atyhheihna, ei 108-na târi 15 Pachawh liata ama chhôhkha thlâ (Mausoleum) a tly khao leipa khata khizaw no pa-âh pathao ta, a hnatlâna kyh liata biethãh nano nanopa a pathlisa lymâ hapa kha a châ.
Kô 2011 rakha tawhna khata a mahpaw pina noh liana maihta ama chhôhkha thlâ he chiepadâh leipa ta a tly tyhpa kha a châ.
No comments