US President Donald Trump-ta Covid-19 pasana hri kyh liata China chyhusathlu!
US President Donald Trump chata Pachyhnoh khata China cha Covid-19 pasana a vaw thaotôna nata ahiezawhna kyh liata maophaohna a hnei tlai khiahta la, a pazeipaliena (consequences) â tyh cheingei aw, a ta.
Trump chata, "Covid-19 hri he China liata â vaw thao nona khata pakhâ (stop) theipa châ ta, châhrasala pakhâpa châ vei, he pasana hri vâna heta khizaw pôhpalôhpa ta pasa eima tao ha hih,” a ta.
Trump chata, “Taopasina/taochhei tlamawpa a chã khiahta cha, taopasipa la a y tyh hra tlai,” tahpa ta, “Châhrasala pahno thlâh hana chôta a taopa ama châ tlai khiahta la...viarithôna la ama tao hra tlai aw.”a ta.
US president heta Covid-19 hri kyh liata China ta pahno thlâh hana chôta â hiezawh awpa pakhâ vei tahpa pasiana hnei taraw leipa ta, châhrasala atlia tawhna khata US hrialâhpa râh zy nata Media thokha zy ta - Covid-19 hri he Wuhan liata 'Laboratory' miakha tawhta a vaw puapa a chà , tahpa lâchhâhta reikah ama pathlie pathao hapa vâta, he hmo he alaichadai haipa a châ.
He hleikhôna heta he Wuhan liata Laboratory heta US tawhta baona sôh a hmô tyh tahpazy y laih lymã heih ta, China liata American vyuhtuapa thokha tawhta he su (Laboratory) he â boh lei kaw, tahpa reikah zy chhao a y hai hra. Report thokha liata chhao US intelligence Agency zy ta Wuhan Laboratory he amâ laichadai pathao ha tahpa ama vaw palâsa hai hra.
China chhaota Trump ta a baina he achhypalie ei ta. Wuhan laboratory liata ama Director chata 'Covid-19 hri vaw puana hawhta ama reipa cha dythapa ta, "Hmo a châ thei bohbi leipa” a ta.
Pachyhnohta China TV, CGTN ta amâ pakyhna liata, Wuhan Yuan Zhiming, Director, Wuhan Institute of Virology, chata “He hri (virus) he keimo tawhta á thaopa/a puapa a châ theina kao y vei” a ta. A rei lymâna liata, he su liata a hriapa ahy hmahta he hri a kiahpa y vei ei, tahpa ta CGTN, ta amâ pakyhna liana heta reih ta, “He Laboratory heta coronavirus kyh achuna cha kyh nano nanopa ta tlao eima siekhei” a ta.
He Potlana (Pandemic) a vaw thaotôna he Wuhan liata hmo ama zuana su tawhta a vaw thaopa hawhta reipa châ ta, he su tawhna heta Covid-19 hri heta chyhsa a kia pathaopa ta pahnopa a châ hra.
Atahmâ duasu liata Covid-19 hri vâta US liata a thipa zie cha chyhsa 100,000 lymâ liata 11.24 (11.24 per 100,000), châ ei ta; he pasana â vaw thaona su China liata cha chyhsa 100,000 lymâ liata chyhsa 0.33 ama thipa hawhta reipatipa a châ.
- The Guardian
Trump chata, "Covid-19 hri he China liata â vaw thao nona khata pakhâ (stop) theipa châ ta, châhrasala pakhâpa châ vei, he pasana hri vâna heta khizaw pôhpalôhpa ta pasa eima tao ha hih,” a ta.
Trump chata, “Taopasina/taochhei tlamawpa a chã khiahta cha, taopasipa la a y tyh hra tlai,” tahpa ta, “Châhrasala pahno thlâh hana chôta a taopa ama châ tlai khiahta la...viarithôna la ama tao hra tlai aw.”a ta.
US president heta Covid-19 hri kyh liata China ta pahno thlâh hana chôta â hiezawh awpa pakhâ vei tahpa pasiana hnei taraw leipa ta, châhrasala atlia tawhna khata US hrialâhpa râh zy nata Media thokha zy ta - Covid-19 hri he Wuhan liata 'Laboratory' miakha tawhta a vaw puapa a chà , tahpa lâchhâhta reikah ama pathlie pathao hapa vâta, he hmo he alaichadai haipa a châ.
He hleikhôna heta he Wuhan liata Laboratory heta US tawhta baona sôh a hmô tyh tahpazy y laih lymã heih ta, China liata American vyuhtuapa thokha tawhta he su (Laboratory) he â boh lei kaw, tahpa reikah zy chhao a y hai hra. Report thokha liata chhao US intelligence Agency zy ta Wuhan Laboratory he amâ laichadai pathao ha tahpa ama vaw palâsa hai hra.
China chhaota Trump ta a baina he achhypalie ei ta. Wuhan laboratory liata ama Director chata 'Covid-19 hri vaw puana hawhta ama reipa cha dythapa ta, "Hmo a châ thei bohbi leipa” a ta.
Pachyhnohta China TV, CGTN ta amâ pakyhna liata, Wuhan Yuan Zhiming, Director, Wuhan Institute of Virology, chata “He hri (virus) he keimo tawhta á thaopa/a puapa a châ theina kao y vei” a ta. A rei lymâna liata, he su liata a hriapa ahy hmahta he hri a kiahpa y vei ei, tahpa ta CGTN, ta amâ pakyhna liana heta reih ta, “He Laboratory heta coronavirus kyh achuna cha kyh nano nanopa ta tlao eima siekhei” a ta.
He Potlana (Pandemic) a vaw thaotôna he Wuhan liata hmo ama zuana su tawhta a vaw thaopa hawhta reipa châ ta, he su tawhna heta Covid-19 hri heta chyhsa a kia pathaopa ta pahnopa a châ hra.
Atahmâ duasu liata Covid-19 hri vâta US liata a thipa zie cha chyhsa 100,000 lymâ liata 11.24 (11.24 per 100,000), châ ei ta; he pasana â vaw thaona su China liata cha chyhsa 100,000 lymâ liata chyhsa 0.33 ama thipa hawhta reipatipa a châ.
- The Guardian
No comments