Article : PAW PHAPA - By Rev Dr Laiu Fachhai
Atanoh he International Fathers Day châ ta, atakô tawhta cha ECM chhao ta he noh he a hmâh pathao hra.
Paw maohphaona patlôpa ta, nama sawzy Abeipa Khazohpa khozie hawhta a chhihtha lymâpa pawzy hnohta alyna bie ei cha hlâ ei. Nama sawzy nama chhihtha phapa cha râh nata Awnanopa chakaona rônah ngaitapa a châ.
Chapaw châta, Khazohpa ta achhuahna nanopa a hnei hapa vâta saw a pie leipazy tah leipa ta cha, chapaw châta sawsa ru vei. Paw phapa châ ta, paw maohphaona patlô awpa deikua a ru ngaita.
He hawhta paw phapa châ ta, paw maohphaona patlôpa hmo ru ngaitapa he, ngiapâtuhpazy ta cha ama tao thei. He hmo he tao awpa ta Abeipa ta pawzy bie maniah a pie.
Timothy eikhana Bo 4:11-12 liata, Pawla ta Pâhstaw Timothy kha bierei kyh liata zy, yzie kyh liata zy, kyhpachâna kyh liata zy, ngiapâna kyh liata zy, pathaihna kyh liata zy ta ngiapâtuhpazy ta amâ mopâpa châ awpa ta a pasyu.
Atanoh pawzy chhao, bierei kyh liata zy, yzie kyh liata zy, kyhpachâna kyh liata zy, ngiapâna kyh liata zy, pathaihna kyh liata zy ta nama sawzy, a eih pachaipa ta, nama sawchapawzy a mopâ tlâhpa ta y awpa ta cha khokhei ei na ta, ei cha pasyu ei. Nama sawchapawpazy châta ama hero, ama idol, ama icon, ama champion, ama superman châ awpa ta cha khokhei ei na ta, ei cha pasyu ei.
Eima sawchapawpazy ta eima reipa hawhta tao cheingei ngyu aw veih ei. "Paw lyu" tahpa Mara bieso eima hneipa hawhta, eima sawchapawpazy ta eima hrozie hawhta deikua cha ama vaw hroh hra aw. Eima taopa hawhta ama vaw tao hra aw.
Chavâta he Pawzy Noh liana heta, pawzy pi ta chhôhkha chhituhpa phapa, sapa nata thlahpa kyh liata eima chhôhkha chhituhpa phapa châ awpa ta a hlâ pathieh heih ei suh u.
Pawzy paraona ty hriena cha saw chhâ nawh chhâ chô liata, chhâ thôhna nata chhâ palihna taihta a tlô thei (Puasaina 34:7) tahpa pahnopa ta, molei lei awpa ta a vai sih la, Abeipa khozie hawhta hroh lymâ ei suh u.
Saw sapa liata ngalah pahâh lei paw sih la, a mohôhna nata a chhihthana liata chhao pahâh ei suh u. Hrozie nôchâ ta pamopâsana chôta Abeipa bie hawhta chhihtha lymâ ei suh u (Ryhpa 6:4-9; Ephesi 6:4).
Pawzy ta sôh kyh liata adoleina zy, râh leilô kyh liata karâhneipa ta chyhsa râh chhupa nata chaeipa zy, chanô chapaw châna kyh liata chyhsa sawchapaw nata sawchanô ykhei ta paraopa zy, chyhsa tei laihpa zy, haipa bie reipa zy nata moleina hropazy eima tao khiata cha, eima saw chhâ nawh chhâ châta vânoh tona châ aw vei tahpa pahnopa ta, saw chhâ nawh chhâ châta vânoh a taotuhpa châ a chhuah sih la, Abeipa khozie hawhta hroh ha ei suh u.
A ngiapachhi aw ma pi.
Abeipa ta a bie byhnâ pie mawh sy!
Amen.
Paw maohphaona patlôpa ta, nama sawzy Abeipa Khazohpa khozie hawhta a chhihtha lymâpa pawzy hnohta alyna bie ei cha hlâ ei. Nama sawzy nama chhihtha phapa cha râh nata Awnanopa chakaona rônah ngaitapa a châ.
Chapaw châta, Khazohpa ta achhuahna nanopa a hnei hapa vâta saw a pie leipazy tah leipa ta cha, chapaw châta sawsa ru vei. Paw phapa châ ta, paw maohphaona patlô awpa deikua a ru ngaita.
He hawhta paw phapa châ ta, paw maohphaona patlôpa hmo ru ngaitapa he, ngiapâtuhpazy ta cha ama tao thei. He hmo he tao awpa ta Abeipa ta pawzy bie maniah a pie.
Timothy eikhana Bo 4:11-12 liata, Pawla ta Pâhstaw Timothy kha bierei kyh liata zy, yzie kyh liata zy, kyhpachâna kyh liata zy, ngiapâna kyh liata zy, pathaihna kyh liata zy ta ngiapâtuhpazy ta amâ mopâpa châ awpa ta a pasyu.
Eima sawchapawpazy ta eima reipa hawhta tao cheingei ngyu aw veih ei. "Paw lyu" tahpa Mara bieso eima hneipa hawhta, eima sawchapawpazy ta eima hrozie hawhta deikua cha ama vaw hroh hra aw. Eima taopa hawhta ama vaw tao hra aw.
Chavâta he Pawzy Noh liana heta, pawzy pi ta chhôhkha chhituhpa phapa, sapa nata thlahpa kyh liata eima chhôhkha chhituhpa phapa châ awpa ta a hlâ pathieh heih ei suh u.
Pawzy paraona ty hriena cha saw chhâ nawh chhâ chô liata, chhâ thôhna nata chhâ palihna taihta a tlô thei (Puasaina 34:7) tahpa pahnopa ta, molei lei awpa ta a vai sih la, Abeipa khozie hawhta hroh lymâ ei suh u.
Saw sapa liata ngalah pahâh lei paw sih la, a mohôhna nata a chhihthana liata chhao pahâh ei suh u. Hrozie nôchâ ta pamopâsana chôta Abeipa bie hawhta chhihtha lymâ ei suh u (Ryhpa 6:4-9; Ephesi 6:4).
Pawzy ta sôh kyh liata adoleina zy, râh leilô kyh liata karâhneipa ta chyhsa râh chhupa nata chaeipa zy, chanô chapaw châna kyh liata chyhsa sawchapaw nata sawchanô ykhei ta paraopa zy, chyhsa tei laihpa zy, haipa bie reipa zy nata moleina hropazy eima tao khiata cha, eima saw chhâ nawh chhâ châta vânoh tona châ aw vei tahpa pahnopa ta, saw chhâ nawh chhâ châta vânoh a taotuhpa châ a chhuah sih la, Abeipa khozie hawhta hroh ha ei suh u.
A ngiapachhi aw ma pi.
Abeipa ta a bie byhnâ pie mawh sy!
Amen.
No comments