China liata Vao pasana hri thiehpa chyhsapa châta Potlana lâta a lie thei awpa ama hmôpapua

Bengaluru: China liata Achupasiatuhpa (Researchers)-zy chata vao pasana hri 'H1N1 swine flu virus', chyhsapa lâta â ka theipa, Potlana (Pandemic) a kaw châ thei awpa ama hmôpapua tahpa ama phuah. He hmo ama hmôpapuapa he PNAS thâtihbu liata ama palâsa.

Achupasiatuhpazy heta he vao hri ama hmôpapua thiehpa he H1N1 virus tawhta vaw pihpa, kô 2009 liata Mexico liata potlana a chareipa, European avian-like (EA) H1N1 nahta â lyupâ ria rô ama ta.

He hri ama hmôpapua thiehpa he 'G4 genotype' tah ei ta, he hri he vao zaona liata hriapazy nata vao thiena su liata a hriapazy thisaih liata hmôpa a châ, ama ta.

Vao zy he hri laiseihna su pha kawpa, chyhsapa lâta amâ ka hlâta amâ vaw chhuahnohna su pha kawpa châ ei ta. Vao pôhpa liana heta he hri zy he a papôhpa ta, hri chichhih viapa lâta â kaw tao ei ta, chyhsapa lâta â kapa ta, Potlana lâta â vaw lie thei, ama ta.