BIHAR : Ahneina liata Covid-19 hri a hiezawhpa ta chyhsa 100 hlei hri ama kiah

Patna: Bihar liata Nôpi-nôvah Ahneina liata Covid-19 hri a hiezawhpa liata ahneina daihti a vaw hlaopa chyhsa 100 hleita hri ama kiah hleikhôta, myuhneituhpa myuhpaw cha Covid-19 vâta amâ hnei tawhta noh 2-na liata a thipâ ha.

He su liata hmo tlôpa heta biehneituhpazy luh pahiahsa kaw ta. Ahneina liana heta chyhsa 369 tlai amâ hlaopa hawhta reipa a châ.

Health Official lâ tawhta ama reina dâh liata he ahneina a vaw hlaopa hryta chyhsa 79 zy cha a su liata hri kiahpa châ ei ta. Mohropa 24 zy cha ahneina liata hri a kiahpazy ta ama paka pachhuahpa a châ, ama ta.

He ahneina he Dehpali khih, Paliganj District, Bihar khihpi Patna tawhta km 50-ta â hlapa liata a ypa châ ta, myuhneituhpa he Software Engineer-ta Gurugram liata raihriapa, lahpi hnei awpa ta May 12 ta ama khih a vaw tlôpa a châ. June 15 liata amâ hnei tawhta noh 2 a khô tawhta he chyhsa he hri vâta a thi pâ ha hra.