MTP Gen.HQ nata Sub HQ 6-zy ta Satlia Nelson K.Beizachhih (L) Taokheina hnei

Covid-19 potlana adyuhpa ta riahvaihpa, pasana vâta â pahâ hapa satlia Nelson. K. Beizachhi (19)  S/o Puhpa K.Thlacho, Khôpai khihpa MTP Gen.HQ : Siaha nata Sub-HQ 6 zy ta taokheina ama hnei.

Satlua Nelson K. Beizachhi (19) he Covid-19 duty-pa ta Indo-Myanmar Râhri liata a riepa hryta a hlaopa ta, vâduachhih kawpa ta a duty-na su liana heta Pneumonia pasana â lapa ta; duty na su tawhta Siaha District Hospital pangaikheipa châ ta, târi 15/06/2020 zâ dawh 11:00pm-khata â vaw pahâ hapa a châ.

MTP Gen HQ : Siaha nata Sub-HQ 6-zy ta taokheina daihti ama hneipa he Khôpai Community Hall-liata a hmâpa châ ta. Puhpa PP. Zalena, President MTP HQ ta chhihthapa ta, Taokheina Thlahchhâna Puhpa Pakhaw Chozah, GS, MTP(HQ) thlahchhâ ta, Rev.NC.Vabeilua, Sr.Adviser, MTP(HQ) tawhta thlahlôhna bietapa nahthliepa a châ.

MTP Gen.HQ nata Sub-HQ 6-zy heta Satlia Nelson K.Beizachhi (L) taokheina liana heta MTP Gen.HQ hleikhôta,  MTP Sub-HQ 6 tawhta phusâ nata ryuchâ hleikhôta,   Syntex (2000 litre) nata dawhbeih kha 10 pa hlâ ei ta. MTP Gen.HQ siepahliepa ta taokheina sôh tlohpakhypa Rs 5,60,170/-cha Satlia Nelson chhôhkhazy hnohta hlâpa a châ.

- DIPR