TAMIL NADU : Pavaw aboh n'awpa ta ama khih 'streetlight' pakhaih lei awpa ta hmah ama la
MADURAI: Tamil Nadu liata Sivaganga district liata khih miakha liata a pahrâpa khihsawzy hmotaopa chata Internet khizaw liata a palao tyhpa zawpizy (Netizen)-zy palôh a pahnie kaw.
Ama khih liata khihliah mei-ôh (Street lights) ama pakhaihna tyhpa, *Switchboard) liata pavaw miakha, *Indian Robbin (Copsychus fulicatus)* ama tahpa ta bu a taopa ta, a tih thla ta. He mei-ôh pakhaihna *switchboard* he ama khih liata khihliah mei-ôh a ypa 35 pakhaihna châta amâ hlypa châ ta.
He hawhta ama khih khihliah mei-ôh pakhaina byh liata pavaw ta bu taopa ta, a tih taihta a thla hapa he, ama khih thyutlia, *WhatsApp group* miakha *Pottakudi Ilaignargal Kuzhu* liata he pavaw kyh he satlia thyudyupa pakha, *Karuppuraja* chata tawhpapuapa ta, Group manôh 35-zy chata he pavaw ta â boh kawpa ta a tih a byuhnie sala, a pha kawpa ta a tih pakei theina awpa hmahla awpa ta bietluna tao ei ta; pavaw ta a tih pakei hlâhlei cha *Khihliah mei-ôh* pakhaih lei awpa ta hmah ama la hapa a châ.
He thyutlia 35 sahlaozy heta ama khih O dyh 100 zy cha tly laihpa ta, ama khih liata khihliah mei-ôh cha ama pakhaih khiahta cha, mei-ôh pakhaihna byh (switchboard) liata pavaw bu liata a tih zy cha paraopakeipa ta, pavaw chhao cha ama pahropahrâ aw tahpa chi â chhihpa vâta, mei-ôh cha pakhaih mâh lei awpa ta ahaw lymâ ei ta. He ama hmahlana he ama khih VCP H Kaleeswari, chhaota a vaw pahlyhpa ta, mei-ôh pakhaih lei awpa ta ryh ama rao hapa a châ.
He khih, pavaw abohna nata a tih a pha kawpa ta a pakei theina awpa hmah ama lana heta chyhsa palôh a pahnie ngaita.
- TOI
Ama khih liata khihliah mei-ôh (Street lights) ama pakhaihna tyhpa, *Switchboard) liata pavaw miakha, *Indian Robbin (Copsychus fulicatus)* ama tahpa ta bu a taopa ta, a tih thla ta. He mei-ôh pakhaihna *switchboard* he ama khih liata khihliah mei-ôh a ypa 35 pakhaihna châta amâ hlypa châ ta.
He hawhta ama khih khihliah mei-ôh pakhaina byh liata pavaw ta bu taopa ta, a tih taihta a thla hapa he, ama khih thyutlia, *WhatsApp group* miakha *Pottakudi Ilaignargal Kuzhu* liata he pavaw kyh he satlia thyudyupa pakha, *Karuppuraja* chata tawhpapuapa ta, Group manôh 35-zy chata he pavaw ta â boh kawpa ta a tih a byuhnie sala, a pha kawpa ta a tih pakei theina awpa hmahla awpa ta bietluna tao ei ta; pavaw ta a tih pakei hlâhlei cha *Khihliah mei-ôh* pakhaih lei awpa ta hmah ama la hapa a châ.
He thyutlia 35 sahlaozy heta ama khih O dyh 100 zy cha tly laihpa ta, ama khih liata khihliah mei-ôh cha ama pakhaih khiahta cha, mei-ôh pakhaihna byh (switchboard) liata pavaw bu liata a tih zy cha paraopakeipa ta, pavaw chhao cha ama pahropahrâ aw tahpa chi â chhihpa vâta, mei-ôh cha pakhaih mâh lei awpa ta ahaw lymâ ei ta. He ama hmahlana he ama khih VCP H Kaleeswari, chhaota a vaw pahlyhpa ta, mei-ôh pakhaih lei awpa ta ryh ama rao hapa a châ.
He khih, pavaw abohna nata a tih a pha kawpa ta a pakei theina awpa hmah ama lana heta chyhsa palôh a pahnie ngaita.
- TOI
No comments