Mizoram Covid-19 duasu : Hri-ohpa 9 hmô chhi

Pakhynoh târi 22, Khihpa 2020 khata ZMC laboratory-liata swab sample 365 mopa châ ta, he hryta 357 zy ta hri kiah leipa ei ta, hri-ohpa 8 hmô chhipa ama châ. He raohpa heta Champhai District liata Rapid Antigen Test hmâpa ta Pakhynoh pyly khata COVID-19 hri-ohpa pakha hmôpapuapa a châ. Lunglei TrueNAT lab-liata Sample 32 mopa châ ta, ama zydua ta hri kiah hmôpa y vei ei.

ZMC laboratory-liata COVID-19 hri-oh hmô chhipazy he chapaw - 6, chanô - 2, pitlohpa kô 26 - 51 likahta uhtheipa châ ei ra, chapaw hawti kô 10 ta uhtheipa â hlao hra. Aizawl district liatapa chyhsa 7 nata Kolasib district liatapa chyhsa 1 châ ei ta; Jammu & Kashmir, Assam, Bihar, West Bengal nata Nepal tawhtq Mizoram a vaw ngiapa ama châ. Ama zydua heta Khôpa-eihna Su (Quarantine Facility) liata a y haipa châ ei ta. Zokhawsang liata Assam Rifles pheisaih khôpa-eih haipa pakha â hlao.

Champhai District liata hri-ohpa hmôpapuapa he chapaw, kô 28 ta uhtheipa, India pheisaih, Jammu & Kashmir tawhta vaw tlôpa châ ta. Ano he khôpa-eihna su liata y haipa châpa ta, DCHC lâ sopâ hapa a châ. ICMR advisory hawhta Rapid Antigen Test positive he COVID-19 hri-ohpa (true positive) châ ei ta. Pasia awpa ta ZMC RT-PCR lab-lâ sample paphao a ngiah khao vei.

Lunglei TrueNAT Laboratory-liata sample mopa hryta BSF pheisaih 24 nata Lunglei khihsaw 8 amâ hlao.

ZMC Laboratory-liata District nano nanopa sample mopa zie (22, Khihpa 2020) :

Aizawl - 190 (chapaw - 146, chanô - 44)
Champhai - 1 (chapaw)
Kolasib - 49   (chapaw - 30, chanô - 19)
Lawngtlai - 23   (chapaw - 18, chanô - 5)
ZMC-liata y haopa - 1      (chapaw)
ZMC-liata hriapa - 101 (chapaw - 35, chanô - 66)
Ama zydua ta - 365 (chapaw - 231, chanô - 134)

Mizorama COVID-19 duasu :
Hri-oh haipa - 147

-DIPR