A ri mei ta rao awpa amâ chhuah nota a kaw hroh heih!

IMPHAL: Manipur liata chapaw thyudyupa pakha, kô 18-ta uhtheipa, Heirok khih, Thoubal district, Manipur lia tahpa cha, arâ (Horse) ta chapie ta, Regional Institute of Medical Sciences (RIMS) ngaikheipa a châ tawhta Dawhty zy ta a 'thi ha' tahpa ta phuah ei ta; châhrasala he thyudyupa he a kaw hroh ha heih.

Elangbam Mocha he arâ ta a chapiepa vâna heta a châh-ao nata pavyh liata hmah pasa kawpa phaoh ta.

Ama yna Thoubal district hospital ngaikhei tua ei ta, he khai tawhta ICU, RIMS lâ ngaikhei heih ei ta, RIMS liana heta Elangbam Mocha a thi ha, tahpa Dawhty zy ta phuahpa ta, 'Death Certificate' chhao ama pie papua pâ ha hra.

A ri mei ta rao awpa ta amâ chhuahnoh hai nota, a ri ama paziah thlâh hapa cha buakha chhôh tlai a kaw hroh heih, tahpa NE Today ta a palâsa.

Cha hawhta a kaw hroh ha heihpa cha a chhôhkhazy chata ama khih Community Health Centre (CHC) ngaikhei para ei ta, he tawhna heta Thoubal District hospital lâ ngaikhei awpa ta pasiepa ama châ heih.

Vâduachhih kawpa ta Thoubal district Hospital heta ECG chhaichhi hnei leipa ei ta, Imphal khihpi liata Shija Hospital lâ a râkhei para heih ei ta, vâduachhih kawpa ta a hrona deikua pachha hmâ pyly khao vei ei.