Chanô chhyupa : Wheel chair tawhta MSc (Mathematics) Gold Medalist a châ theipa

Laihsa Jᴏᴀɴ Lᴀʟᴅɪɴᴘᴜɪɪ, ᴅ/ᴏ Lᴀʟʜᴍᴀɴɢᴀɪʜᴀ, Sᴀʟᴇᴍ Vᴇɴɢ, Lᴜɴɢʟᴇɪ, he MSc (Mathematics) liata Mɪᴢᴏʀᴀᴍ Uɴɪᴠᴇʀsɪᴛʏ tawhta Gold Medalist châ ta. BSᴄ (Mathematics) liata chhao Gold Medalist a châ heih hra. Kô 2018 khata Jᴏᴀɴ Lᴀʟᴅɪɴᴘᴜɪɪ heta Mɪᴢᴏʀᴀᴍ Uɴɪᴠᴇʀsɪᴛʏ ry liata BSᴄ (Mᴀᴛʜᴇᴍᴀᴛɪᴄs) Exam cha Mark 1200 liata Mark 1025 hmôpa ta a tao pha chaipa duasu liata â vaw duah ha. 

Laihsa Laldinpuii thâtih ta chyhsa palôh a pahnie via heih pachaihna chhâpa cha, he hawhta Mizoram University ry liata BSc nata MSc (Mathematics) liata a thai chaipa duasu he, ano khota a pielyu thei leipa, 'Heihlyuleipa' tah thei awpa duasu liata a duahna chôta, 'WHEEL CHAIR' liata a tyuhna chôta a thai chaipa duasu a to theipa he a châ.

Laihsa Joan Laldinpuii heta vâduachhih kawpa ta thla 9 deita uhtheipa a châ notaChasipipa (Pneumonia) nata Sypa pasana (Polio) vâta a sapa nata pôhpa chhao a châna awpa hawhta laiseih thei khao leipa ta, ano khota chhao a hlaihlâ thei khao leipa ta, Wheel chair liata a tyuhpa ta khizaw a kaw hmiachhy hapa a châ.