US Atlyhna : Joe Biden pahniena pakhâ awpa ta Senator 11 amâ pielyu ha heih
US senator thokhazy chata US President Atlyhna liata tlohpa ta phuahpa, ‘Joe Biden’ tlohpa ta phuahpa kyh liata hmo sianô leipa a ypa hawhta reina a ypa cha alaichadaituh awpa (Commission) paduapa ta alaichadaipa a châ lei khiahta la, Biden ta pahniena a topa cha apyh (Certify) thei aw vei ei, ama tah ha heih.
He bie a vaw duakheituhpazy he Senator 11 senator nata senator-elect a hlaopa ta, Ted Cruz chhihthana ry liata he President atlyhna kyh he aduakhei ei ta, Noh 10 chhôh chhâ US Atlyhna liata hmo a supia leipa a ypa hawhta reina a y haipa cha alaichadai awpa ta amâ hnaw.
He hawhta Senator 12 zy ta hmahla amâ
chhuahna he a hlaotloh na ta deikua hnabeiseih a chhih leipa ta, târi 6 Nawh
2021 liata US President atlyhna liata tlohpa ta puah hapa, Biden a tloh tahpa
pa-ipachana châta Vote pathlana liata Senator hluh viapa ta Biden amâ châhkhei
na ta pangiasapa a châ.
President Donald Trump chata atlyhna liata pahniepa a châna cha a pyh thei to mâh leipa ta, atlyhna liata hmo do leipa a y, tahpa cha a pasiana (Evidence) palâhâh awpa y hlei leipa ta a reih ngâthlâh ha chy.
Court liata biebuapa â ngiakheipazy hra Court zy ta bie pachiatlâh a châ leipa tahpa ta dytha chhyh ha ei ta. Târi 6 Nawh liata US ryureina Opi Congress ta zâkô Di liata Electoral College ta Vote pathlapa ta President amâ tlyhna pa-ipachana châta Vote ama pie awpa cha khâchâ patypamâ achhuahna a y lymâ hai.
Zâkô Di thla liata Electoral College zy ta Vote ama pathlana liana khata Biden khata Vote 306 hmôpa ta, Trump khata Vote 232 hmô ta, he Biden pahniena topa he târi 6, Nawh 2021 khita US Congress ta ama pa-i (Certify) ha bâ aw.
No comments