India : Hawti 12-zy hnohta Sypa hri thohna (Polio Vaccine) khiahma tah ei ta kupasithaina (Sanitiser) ama pie!

 

Yavatmal (Maharashtra): Thohna lâta hriatuhpazy diathlâna vâta, Yavatmal District, Maharashtra liata thotlâh khih miakha liata hawtipa 12-zy cha sypa hri thohna (Polio Vaccine) khiahma ama pie ama tahpa cha, Kupasithaina (Sanitiser) ama pie, tahpa pahnopapuapa châ ta; thohna-O lâ thlai amâ râkhei. He khih he Mumbai tawhta Km 700 ta â hlapa liata a ypa a châ.

He hawtipa 12, kô 5 ry lâtahpazy he, sawhkhâ thohna-O liata mohôhpa châ ei ta, vâhneichhih kawpa ta ama duasu a pha, tahpa biehneituhpazy ta reih ei ta. He hawhta thohna piechheituhpa Health Worker pathôhzy chô liata hriena chaluahpa a châ aw, ama tah hra.

He hmo tlôpa he a khô hapa Abeipanoh khata Primary Healthcare Centre miakha liata sypa hri piena (National Pulse Polio vaccination drive), hawti kô 5 ry lâtahpazy châta ama siekhei nota a tlôpa a châ.

Yavatmal Zilla Parishad CEO Shrikrishna Panchal chata, hawti 12 zy he Sypa hri thohna (Polio Vaccine) châ leipa ta, kupasithaina (Sanitiser) piepa ama châ, tahpa a reih.

He Kupasithaina ama pie khaipa he hawtipa pakha cha palipâ lymâ ha ta; he patawnah heta amah mo taochheipa cha ama pahno hapa a châ.